Букурешт е подготвен за самитот. Отворањето ќе го означи традиционалната изложба на НАТО и самитот на владите од земјите членки и партнери на алијансата. Потоа ќе следува обраќање на генералниот секретар на НАТО, Јап Де Хоп Шефер, а за денеска е најавено и пристигнувањето на американскиот претседател Џорџ Буш од Украина и на рускиот претседател во оставка Владимир Путин.
Македонскиот државен врв последниот предлог на медијаторот Нимиц го смета за конечен.
„Овој предлог го сметаме, по 15 години разговори околу овој билатерален спор, за конечен предлог во процесот. Вториот заклучок е дека процесот на градење на став во однос на овој конечен предлог продолжува деновиве и најверојатно според Уставот и законите ќе резултира со собраниска расправа во понеделник“, изјави македонскиот министер за надворешни работи Антонио Милошоски.
Од интервјуто на Џорџ Буш за Хрватската државна телевизија:
„Единствена работа која можам да ја потврдам е дека САД го поддржува членството на Хрватска во НАТО. Имам голема надеж. Не сакам однапред да давам мислење за одлуката на своите колеги но, јас сум голем оптимист. Ништо не би било подобро од тоа да ви донесам добра вест за членството“.
И покрај тоа што Нимиц официјално изјави дека нема нов предлог, се дознава дека медијаторот денеска, на разговорите со Василакис и Димитров во Виена, излегол со 3 „старогрчки“ предлози (како свои), а кои досега на неколку наврати беа отфрлувани од македонската страна:
Македонија да прифати да се нарекува „Горна“, „Нова“ или „Република Македонија – Скопје“.
Токму тоа, не за да се „потсети“ на одамна осознаената и развивана- практицирана суштина на демократијата, туку како дециден став и порака треба државниот врв на Република Македонија да му го испрати на светот, пред се на Грција. Затоа што е очигледно дека свесно, намерно се заборава, се напушта- исклучува, не „соодветствува“ на денешната стварност.
Притисоците што се вршат врз Македонија од „сите“ страни (всушност од сојузниците и „симпатизерите“ на Грција; дали, на пример, сте слушнале- прочитале за такво нешто од страна на Русија?) да биде „конструктивна“ односно „флексибилна“, всушност „попустлива“, е буквално спасување на Грција во последен момент, за да не се удави во сопственото „мочуриште“ што го создаде, а во меѓувреме не успеа, не се ни потруди или не знае(ше) како да го „исуши“.
Насловот не е новинарска или „експертска“ порака, ниту, пак, од некој „трет фактор“, зависно- независен, туку од самиот Димитриј Рупел, министерот за надворешни работи на Словенија:
„Не ме разбирајте погрешно, јас сум на ваша страна“.
Дури е и мошне „молбена“.
Сосема очекувано, без никакво изненадување: мојата новинарска дребност не може да се мери со значењето, а особено моќта на македонско- бугарскиот државјанин и пратеник во македонскиот Парламент, Љубчо Георгиевски. Неговиот предлог за промена на „уставното име“ на Македонија (во Северна Македонија) има „соодветна тежина“ и на него се реагира како „опасен“ (без оглед што е во најмала рака неиздржан, а за многумина и несериозен), а мојот предлог за промена на името (не уставното име) како воопшто да не е прочитан, иако од поодамна стои на овој сајт. Нема никакво реагирање, макар како единствен и дилетантски.
Турскиот премиер Реџеп Таип Ердоган во Анкара на заедничка прес-конференција со својот гостин, македонскиот премиер Никола Груевски, истакна дека е лош и погрешен ставот на Грција да го условува приемот на Македонија во НАТО со промена на името. Секоја држава треба да ги почитува независноста, името и суверенитетот на Република Македонија. Ердоган соопшти дека им дал налог на претставниците на Турција во сите структури на НАТО да работат на приемот на Македонија во алијансата.
Огромен е прогресот што Македонија го прави во насока на остварување на нејзината амбиција, за членство во НАТО, нагласи претседателот на Парламентарното собрание (ПС) на НАТО, Жозе Лело, во неговото обраќање на 81 – та седница на Собранието на Република Македонија. Лело, кој е силен поддржувач на политиката на отворени врати за членство во Алијансата, особено за Македонија, укажа на големата одговорност што ја носи членството во НАТО.
По обвинувањата на ВМРО ДПМНЕ дека зад потписот на Бранко Наумовски на одлуката на Уставниот суд, за укинување на неколку члена од Законот за знамињата на заедниците, стои сценарио на претседателот Бранко Црвенковски, договорено на 18-ти октомври во еден од скопските ресторани, од кабинетот на шефот на државата реагираа за изнесени лаги и инсинуации, упатувајќи простачка, никако не политичка навреда („Деца, не си играјте со државата“):
„Да се води држава не е детска игра, особено тоа не ви е дозволено вам, на кои им е доверен мандат проблемите да ги решаваат, а не да ги создаваат и да манипулираат“.
Интересно прашање на една моја колешка. Навистина, кој и посакува лошо на Република Македонија? Нема никој? Ниту внатре, ниту надвор?!
Го пренесувам текстот на Гордана Дувњак, објавен во „Утрински весник“, без никаков мој коментар. Ви го оставам вам.
И самата разбирајќи дека се вовлекла во небулозен, ступиден „спор“, а слушајќи и чувствувајќи дека и отчuкуваат последните не пет минути, туку минута-две, се обидува да ја стави в уста последната „сламка на спасот“ (наводниците можеби не се потребни).
Во интервју за грчкиот весник „Катимерини“, грчката министерка за надворешни работи Дора Бакојани нуди компромис: терминот Македонија ќе може да стои во евентуалното компромисно име, доколку тоа е дообјаснето со друг термин кој ќе ја разликува земјава од географска Македонија. Таа апелира до Владата во Скопје двете земји „да ја спуштат топката“ и да најдат брзо решение прифатливо за двете страни.
Сигурно е дека 5 земји членки на Алијансата ќе гласаат за прием на Македонија во НАТО следната година. Тоа се познатите најголеми поддржувачи: САД, Британија, Турција, Словенија, на кои сега им се придружи и Романија. Но, тоа не значи дека и други не се подготвени да го поддржат членството на нашава земја. Особено во „пакетот“ со Албанија и Хрватска. Тоа пред се се однесува на новите земји- членки- Бугарија, Чешка, Естонија, Унгарија, Латвија, Литванија, Полска и Словачка.
Значи, во моментов може да се смета на сигурна поддршка на 13 земји- членки на НАТО, точно половина од вкупниот број. Останатите треба да одлучат во наредниот период. Каква е „состојбата“ кај нив?
Аристотел Цампирис, влијателен професор по меѓународни односи на универзитетот во Пиреа, во интервју за „Дојче Веле“ истакнува дека ниту една грчка влада нема да прифати членство на Македонија во НАТО под уставното име, но оти Грција сака Македонија да влезе во ЕУ и НАТО.
