Очекувана вест: Парламентарното собрание на Советот на Европа ги усвои извештајот на Дик Марти и резолуцијата за трговија со човечки органи на Косово, со кои се повикува на меѓународна истрага на овие обвиненија. За резолуцијата гласаа 169-мина пратеници, 8-мина беа против, а 14-мина воздржани.

Од 19-те амандмани што ги поднесоа Албанците прифатен е само еден, па називот на резолуцијата е променет во „Истрага на обвиненијата за нехуман третман на луѓе и нелегална трговија со човечки органи на Косово“.

(повеќе..)

Иако не беше една од одредниците („бенчмарковите“) што земјава требаше да ги исполни или во чии „рамки“ требаше да се постигне виден напредок, развојот на нејзините добрососедски односи- добрите односи со соседните држави се „подразбираше“.

Токму проблемот на Република Грција со името на Република Македонија во последниот извештај на ЕК е „посредно“ забележан како „недобрососедски“. Не во негативна смисла , туку како „билатерален проблем“ за чие решавање се дава „силен поттик“. Македонската опозиција и нејзиниуте медиуми исто така „силно го поттикнаа“ решавањето на проблемот (дури и со закани дека, доколку Советот на Европа на состанокот на 7- ми и 8- ми декември не утврди датум за почеток на преговори за членство во ЕУ, поради тоа „во земјава сешто ќе се случува“). Притоа „подзаборавајќи“ дека односите со Грција, особено на економски план, се извонредни, а проблемот ги „залади“ само политичките.

(повеќе..)

По повод почнувањето на „правната битка“ за Косово пред Меѓународниот суд на правдата, со предавањето на поднесоци на 17- ти овој месец од страна на правните тимови на Белград и Приштина, мошне широко во светот одекнаа две изјави односно два става на видни личности, со мошне цврсти аргументи за нелегалноста- незаконитоста на еднострано прогласената независност.

Во наредниот период, до почетокот на процесот (првата усмена расправа пред судот е најавена за декември годинава, а ќе се одржат повеќе во текот на 2010- та) може да се очекуваат бројни експертски, правни и политички оценки и проценки, но и досега и сега е јасно дека независноста на Косово е проблематична и допрва ќе биде проблематизирана.

(повеќе..)

Да, крајно е време Владата, министерствата, медиумите и новинарските здруженија да седнат на една маса, да го постават и да почнат да го решаваат проблемот на заштита на македонските новинари при вршењето на нивната задача, но и на физичка и егзистенцијална- од закани, напади, претепувања, неплаќање на трудот, на авторството, загроза на достоинствената живеачка, од економско- политичка зависност. Се разбира, тоа е процес кој не може да трае кратко, но мора да се почне, да се „отвори“ час поскоро, доколку ни се важни опстојот на демократијата, на слободата на мислата, промислата и зборот, на индивидуалното и колективното единство на различностите.

Имајќи ги предвид бројните закани, судски процеси, се поголемата егзистенцијална загроза, се чини дека најнапред им е неопходна посебна или поголем степен на кривично- правна заштита. (повеќе..)

Всушност, Косово отсекогаш било, е и ќе биде пред се, а може да се рече и единствено европски проблем. Освен ако како „неевропски“ се третира геостратешкиот интерес на САД (реализиран преку НАТО). И тоа како дел од тн. Западен Балкан кој ЕУ не сакаше односно не сака да го интегрира, да го прими во „своите редови“, па до ден- денес си игра „дрн- дупка“ со поставување на се нови и нови, кој од кој поапсурдни и поступидни услови (драстичен „контра“ пример е Кипар). Косово и Западниот Балкан („топтан“) станува и допрва ќе стане голем- огромен проблем за Унијата, особено по политичката рецесија која неминовно ќе ја зафати како последица на економската. (повеќе..)

Интересни ставови и најави на српскиот министер за надворешни работи Вук Јеремиќ во интервју за грчкиот весник „Елефтеротипија“:

Белград нема да ја признае независноста на Јужна Осетија и Абхазија, и покрај руската поддршка во однос на прашањето за Косово.

Србија ќе побара одлука од Генералното собрание на ОН да се постави пред Меѓународниот суд прашањето за законитоста на едностраното прогласување на независноста на Косово.

(повеќе..)

Неколку стотици косовски Срби протестираа во Зубин поток по повод најавата за јакнење на граничната контрола на север на Косово. Србите порачаа дека нема да прифатат воспоставување на граница помеѓу Косово и Србија, никту пка ќе ја признаат мисијата на EULEX.

(повеќе..)

Учесниците- 16-мина претседатели и тројца специјални претставници, два дена дебатираа за енергијата и проширувањето на ЕУ, за Косово и за проблемот на Грција со името на Република Македонија.

(повеќе..)

Предупредувањето- најавата на лидерот на ДПА, Мендух Тачи, при донесувањето на одлуката за предвремените парламентарни избори во Македонија и самораспуштањето на Парламентот- дека на изборите ќе се случи „касапаана“, се реална, загрижувачка опасност за стабилноста и перспективата на Република Македонија.

(повеќе..)

Српкиот министер за Косово и Метохија Слободан Самарџиќ изјави дека Владата на Србија на УНМИК му понудила предлог за Договор за функционално раздвојување на Србите и косовските Албанци на Косово.

(повеќе..)

Косовските политичари постојано тврдеа, а македонските прифаќаа (да потсетиме, почетокот е во времето на владеењето на СДСМ) дека демаркацијата на границата со Косово е „само техничко прашање“, чие решавање се „олесни“ со предлогот на Марти Ахтисари за „надгледувана независност“ на северниот сосед (во кој „техничкото прашање“, на наше „задоволство“ е ставено за решавање во утврден рок од 4 месеци по прогласување на независноста).

(повеќе..)

Очекувано, без никакви изненадувања: Советот за безбедност на ОН не донесе никаква одлука за во овој момент едно од најгорливите прашања, не само на Балканот и Европа, туку со мошне сериозни импликации по мирот и перспективата на светот.

Се беше однапред познато пред неговата седница: Србија е подготвена за продолжување на преговорите, а Косово за ништо друго, освен за прогласување на ( ветената) независност.

(повеќе..)

Претседателот на Србија Борис Тадиќ изјави во Баден, во близина на Виена, каде што почна 3-дневната финална рунда на преговори за идниот статус на Косово со посредство на „тројката“ на меѓународната Контакт група,  дека државната делегација на Србија дошла на преговори за Косово за со приштинската делегација да постигне „заемно прифатливо решение“, истакнувајќи дека „топката е во дворот на косовските Албанци“:

(повеќе..)

Лидерот на Демократска партија на Косово Хашим Тачи прогласи победа на косовските парламентарни избори. Во обраќањето до граѓаните тој рече дека за Косово почнува нова ера:

„Му покажавме на светот дека сме демократско општество и сме подготвени да одиме напред, како земја на слободата, демократијата и независноста“.

(повеќе..)