Ако Грција стави вето на приемот на Македонија во ЕУ и НАТО, ќе ја прекрши Времената спогодба и со тоа ќе отвори простор земјава да ги прекине преговорите за името во Обединетите Нации. За разлика од министрите за одбрана и надворешни работи, кои изјавата за вето на Караманлис ја гледаат само како предизборен маркетинг, претседателот на Република Македонија, Бранко Црвенковски, е загрижен поради заканите од Атина.
Односите со Скопје се коректни, но Грција ќе стави вето на македонскиот влез во НАТО и ЕУ, доколку северниот сосед не попушти во спорот за името. Оваа остра јавна порака ја испрати грчкиот премиер Костас Карамнлис во вчерашната дебата на лидерите на грчките политички партии, а во рамките на предизборната кампања.
„Скопје нема да влезе во ниту една меѓународна организација, вклучувајќи ги НАТО и Европска унија, доколку не се изнајде заеднички прифатливо решение. Грција нема да се откаже од ниту едно свое оружје за да ја постигне својата цел по ова прашање“, потенцира тој.
Долги години економијата во соседна Грција ја следат парадоксални ситуации и процеси. Од една страна, како најразвиена земја- членка на ЕУ во регионот „се грижи“ за неговиот развој (читај: го остварува сопствениот интерес), инвестира, од друга внатрешната задолженост во некои области е загрижувачка (особено во „одбраната“ на личниот стандард), од трета афери, перење на пари…
MИА пренесе дека грчкиот премиер Костас Карамaнлис ќе распише предвремени парламентарни избори во земјата, што би се одржале во текот на октомври, a како резултат на последниот скандал со перењето на пари во пензиските фондови во Грција. Ова го тврди атинскиот весник „То Вима“.
