„Најголемата“ опозициона партија СДСМ(во наводници оти е мошне дискутабилно  односно речиси сигурно дека не е тоа, особено не во однос на значењето и улогата што би требало да ја има како „клучен играч“ на македонската политичка сцена) продолжува со стариот „манир“: да ја бара вистината од други (од Владата на Груевски) користејќи лаги и сопствени конструкции. Па и веќе „популарните“ јавни трибини (во наводници оти не се тоа, како што веројатно било планирано, туку „чисто“ партиски- на кои учествуваат и или партиски „војници“ или партиски „приврзаници“) се обична лакрдија; на нив се презентираат „докази“ за лошто владеење на позицијата кои и нејзе, но и на многу други (пред се на медиумите) им служат за мајтапење- директно или индиректно сеедно).

Сето тоа е само уште еден доказ за „вредноста“ на познатиот виц за „кризата“ на јавната куќа: не ја „надминала“ зашто ги променила чаршавите, а не…

(повеќе..)

Скопскиот весник „Вечер“ поседува информација која не може поинаку да се оквалификува, освен како шокантна. Со оглед на блискоста на весникот до Владата на Груевски ( се посочува на „добро упатени извори“), нема причина да не се прифати како точна односно валидна.

Се работи за понуда со која е запознаен и амбасадорот на Европската унија во Македонија, Ерван Фуере, затоа што дошла од негов претпоставен во Брисел.

Имено, висок претставник на Европската комисија од Брисел во јуни (годинава) и дал непринципиелен предлог на македонската Влада со цел олеснување на процесот на македонските евроинтеграции, доколку прифати промена на името и затворање на македонско- грчкото прашање.

Веднаш по изборите (вонредните парламентарни) во владиниот кабинет телефонски се јавил извесен претставник на ЕУ, чие име не се открива, и предложил: ако Македонија прифати да го смени името и на тој начин да се најде компромис со Грција, ЕК е подготвена „да и прогледа“ на Македонија за неколку незавршени обврски, а пред се за изборните нерегуларности, и до крајот на годинава да ги почне преговорите со Унијата за полноправно членство! (повеќе..)

Од интервјуто на македонскиот премиер Никола Груевски за РАИ:

„Грција еднаш веќе ни наметна неформална блокада во јуни годинава, кога Република Словенија за време на нејзиното претседателство со Европската Унија успеа од страна на сите земји- членки да обезбеди поддршка за почнување на преговорите до крајот на годинава, а Република Грција побара да не се понуди заклучокот со таква содржина до Европскиот совет.

Тоа значи дека Република Грција еднаш веќе ја блокира Република Македонија, па сосема веројатно дека ќе ја блокира повторно, злоупотребувајќи ја својата позиција во ЕУ и девалвирајќи ја можноста и потребата од консензус помеѓу земјите- членки при донесувањето на одлуките“. (повеќе..)

Еден необичен, а би можел да се назначи и како оригинален потег на македонскиот премиер Никола Груевски (никој од македонските политичари досега не го направил), секако беа писмата- обраќања на неколку значајни адреси кои би требало да бидат заинтересирани за прашањето за кое пишуваше: ОН (Бан ки Мун), ЕК (Жозе Мануел Баросо), генералните секретари на НАТО, ОБСЕ и Советот на Европа, Јаап де Хоп Шефер, Марк Перин де Бришамбо и Тери Дејвис, шефовите на држави и влади на земјите членки на Советот за безбедност на ОН, до државите на Г-8 (претходно до грчкиот премиер Караманлис) и др.

(повеќе..)

Некои наши „недоквакани“ новинари, квазианалитичари („зависно- независни“) и политичари за кои кога се во опозија и белото е црно, по многу труд и мака, непроспиени денови и ноќи (ма месеци и години, откога „Груевци“ се на власт), конечно открија топла вода и извикаа „Еурека!“: Македонија нема да добие датум за преговори со ЕУ до крајот на оваа- 2008-ма година. Не поради друго, на пример наметнатиот „билатерален“ спор за името на земјава; или затоа што НАТО и ЕУ „дуваат во ист рог“, па кога Грција се покажа посилна од сите членки на Алијансата (дури и од САД), со тоа што наметна вето за прием, нормално е истото да го направи и за датум за преговори со ЕУ (поради нерешавање на спорот по нејзин „ќејф“ односно диктат). Нема датум оти е веќе „сигурен“ негативниот извештај и критиките во него. А за ова да се „поткрепи“, да биде убедлив „тешкиот неуспех“ на Владата на Груевски (дури се одбегнува да се спомне дека е македонска), се манипулира односно шпекулира со најлесното „орудие“ (не само новинарско): тн. блиски „анонимни извори“. Кога не би било тоа, кога би се работело за сериозен и пред се објективен исказ, став или оценка, изворите за толку важен извештај никако не би биле анонимни. Патем (не неважно), „изворите“ за негативниот извештај биле грчки.

(повеќе..)

За квазилидерството „како такво“, посебно во македонското политичко милје, досега сум пишувал на неколку наврати, а, се разбира, и натаму ќе пишувам секогаш кога ќе имам конкретен повод (неисцрпна тема?). Како сега.

Имено, дефинитивно е јасно и крајно „експлицитно“ потврдено дека главниот (можеби и единствен) проблем на обновениот СДСМ е неговото најтесно раководство, а пред се лидерот Радмила Шеќеринска. Таа ниту „личи“ на лидер(ка), ниту се однесува (контролира) како таква, особено во настапите пред јавноста. Мислам на нејзините се почести „застанувања“ (или „местења“) пред микрофоните и камерите на медиумите и изјавите за се и сешто, а всушност за „единствено нешто“: Никола Груевски.

(повеќе..)

Тоа ќе е и нема друго. Настапот на претседателот Бранко Црвенковски веднаш по враќањето од одмор не може да се протолкува поинаку, освен како на политичар (па и „обичен“ човек) изваден од такт, без самоконтрола, „преполн со енергија“ да „удри“ и со првиот удар да го нокаутира противникот. А можел барем од премиерот Груевски, против кого „тргна во напад“, претходно, како поранешен аматерски боксер, да ја добие првата лекција од „боксот“ (читај: животот; прочитај: политиката): никогаш не оди „со глава в ѕид“, зашто ѕидот може да го издржи (с)ударот, ама главата тешко.

(повеќе..)

Метју Нимиц идната недела ќе ги посети Скопје и Атина. Ова се уште дефинитивно не е потврдено, а одлуката ќе ја обелодени по консултациите со македонските и грчките преговарачки тимови во наредниве денови.

Предвидено е, најверојатно в среда и четврток, Нимиц во Њујорк прво да се сретне со Никола Димитров, а потоа со Адамантиос Василакис. Од исходот на тие разговори или консултации ќе зависи дали медијаторот в петок на заедничка маса ќе ги седне претставниците на двете страни.

Се очекува Нимиц да изнесе нови идеи, кои најверојатно нема да бидат формулирани во конкретен предлог.

(повеќе..)

Интересен и за респект е ставот на премиерот Никола Груевски во врска со покренувањето на постапка за импичмент на претседателот Бранко Црвенковски. Иако неговата одлука за помилување на Заев ја смета за незаконска, тој од Охрид порача дека сакаат Црвенковски да го победат на избори, а не со кревање на два прста во Собранието. Велам интересен и за респект, затоа што неодминливот импичмент (според мене) „произлегува“ од оценката на ВМРО-ДПМНЕ дека тој извршил „државен удар“. Но пред се поради „читањето“ (дали точно?) на „заднината“ на решението за аболиција на градоначалникот на Струмица Зоран Заев и неговите соработници, како и за непотпишување на Укази за неколку важни закони донесени во Собранието на Македонија.

(повеќе..)

Наспроти најавите дека Караманлис „жестоко“ ќе одговори на писмото упатено до него од страна на македонскиот премиер Никола Груевски, тоа е толку „неподносливо лесно“ што е во голема мера и неочекувано. Со него Атина уште повеќе од досега се демаскира односно разголува пред светот, а најнапред пред своите сојузници.

Оваа „нова состојба“ Република Македонија треба да ја искористи максимално. Како голем и несоборлив аргумент дека „спорот“ за името на земјава е иреален и апсурден и оти всушност се работи за негирање и наци- фашистички обид за уништување на националниот идентитет на македонскиот народ. Следствено, преговорите се бесцелни и бесмислени, па треба веднаш да се прекинат.

А имајќи ги предвид исполнетите и критериумите што треба (мора) да се исполнат во утврдениот рок, членството на Република Македонија во НАТО и датумот за преговори за членство во ЕУ да им се остават на свеста и совеста на сојузниците на Атина.
(повеќе..)

Собранието на Македонија го изгласа Законот за стечајците. Со него се опфатени работниците со над 25 години стаж, чии фабрики заминаа во стечај од 2000-та до 2004-та година.

Според законското решение, оваа категорија на работници ќе добива месечен надомест од 34% од просечната плата, што е околу 5.000 денари. Во расправата опозицијата ги повтори обвиненијата од предизборната кампања, кога Груевски се обврза да го донесе, дека законот е рестриктивен, односно со него ќе биде опфатена само одредена група на граѓани. (повеќе..)

Новиот политички дискурс што го постави или, поточно, го наметна Никола Груевски и „неговите“ од ВМРО-ДПМНЕ, кој веднаш го препознаа и поддржаа граѓаните на Македонија (константно висок- највисок рејтинг и колективно и поединечно), но не го разбраa- не го прифатија (што се сведува на исто) главните „опоненти“ , пред се од врвот на СДСМ, се потврди и со утврдувањето на новиот владин кабинет.
(повеќе..)

Предвремените парламентарни избори генерално поминаа во мирна и демократска атмосфера, иако на некои места се прегласуваше и по 2 пати, оцени Државната изборна комисија.

„На овие две прегласувања, на коишто имаше поправен испит, граѓаните на Република Македонија покажаа и докажаа дека можат, и ДИК и граѓаните и општинските изборни комисии и избирачките одбори, во Република Македонија да спроведат мирни, фер и демократски избори“, изјави Јован Јосифовски, претседател на ДИК.

(повеќе..)

(30.06.2008.)

По дводневната македонско- грчка турнеја медијаторот Метју Нимиц им изјави на новинарите дека е точно оти се разговара и за друго освен за ново име на Република Македонија. „Појавувањето на други прашања“, како што рече, е потврда дека Атина на преговорите (а не разговорите како што вели Нимиц) поставува и прашања односно барања „поврзани“ со името. Нешто што или поради политичко слепило не го гледаат или го премолчуваат  за да се покажат „конструктивни“ некои политичари од опозицијата (белки не мислат дека „поврзани праша“ поставува Македонија!). (повеќе..)

Поранешниот британски министер за Европа, Денис Мекшејн,  остро забележа дека не може да постои единствена надворешна политика на ЕУ додека „Грција ја блокира Македонија, а шпанската дипломатија лобира против Косово“:

(повеќе..)