Очигледно, на многумина не им е пријатна „победата“, всушност националистичкото самоубиство на Грција со ветото за прием на Република Македонија во НАТО. Помеѓу нив е и генералниот секретар Јап де Хоп Шефер, кого „сон не го фаќа“, „жив срам го јаде“, па најде за „сходно“ да му се јави и по телефон на Бранко Црвенковски.
Идејата на претседателот Бранко Црвенковски за нова преговарачка стратегија со Грција, изнесена во Букурешт, а како реакција на ветото за прием на Република Македонија во НАТО, доби поддршка на дел од политичарите и пратениците во македонскиот Парламент (не од сите како што информираа некои медиуми). Пред се на оние од опозицијата, но и на некои од владејачката коалиција (не и од ВМРО-ДПМНЕ).
Грција го злоупотреби правото на вето, изјави во Букурешт македонскиот претседател Бранко Црвенковски.
Сите земји членки на НАТО, освен една држава, беа на страната на Македонија, изјави во Букурешт македонскиот премиер Никола Груевски.
Македонија е во сериозна политичка криза во најтешкиот момент за земјава. Ова е оценката на претседателот Бранко Црвенковски, по најавата на ДПА дека ќе ја напушти власта.
На само 20 дена до самитот во Букурешт, во очекување на покана за членство во НАТО, но и во решавачката фаза од преговорите за името со Грција, не ни треба Влада без легитимитет. Соред Претседателот, ваквата ситуација треба под итно да се надмине.
По обвинувањата на ВМРО ДПМНЕ дека зад потписот на Бранко Наумовски на одлуката на Уставниот суд, за укинување на неколку члена од Законот за знамињата на заедниците, стои сценарио на претседателот Бранко Црвенковски, договорено на 18-ти октомври во еден од скопските ресторани, од кабинетот на шефот на државата реагираа за изнесени лаги и инсинуации, упатувајќи простачка, никако не политичка навреда („Деца, не си играјте со државата“):
„Да се води држава не е детска игра, особено тоа не ви е дозволено вам, на кои им е доверен мандат проблемите да ги решаваат, а не да ги создаваат и да манипулираат“.
Очекувано, на енергетскиот самит во Загреб не се реши проблемот со енергетската криза, со која се соочува регионот, но „ѕвездата“- рускиот претседател Путин најави засилена руска доминација на Балканот, како вовед во освојувањето на европскиот енергетски пазар.
Италијанското обвинителство во Бари ја заврши истрагата за големиот шверц на цигари во последната деценија и одлучи да покрене судски процес против поранешниот црногорски премиер Мило Ѓукановиќ, тогашниот министер за финансии Мирослав Иванишевиќ и трговскиот претставник за Црна Гора во Италија Душанка Пешиќ-Јакниќ, соопштија црногорските медиуми.
Обвинителите од Бари, Еугенија Понтасуља и Џузепе Шелзи, ги обвинуваат за „мафијашко здружување поради шверц на цигари и перење на пари“ за период од 1994-та до 2002-ра година. Во обвинението се опфатени уште 10 лица.
Се наведува дека перењето на пари со шверц на цигари е спроведено преку сметки во Швајцарија, од каде што парите се упатувани во Црна Гора, а оттаму на Кипар и завршиле во Лихтенштајн, јави Танјуг. Се тврди дека на сметката со број 03854109703948 во кипарската банка се откриени 500 милиони евра, а тие пари се наводно користени за инвестирање во Црна Гора.
Она на што постојано укажував уште откога македонската опозиција (на чело со СДСМ) го измисли наводниот недостиг од политички дијалог со власта, имено дека тоа е политичка ступидарија на која, за жал, како на „сладок мамец“ се фати меѓународниот „фактор“ (всушност, за негова радост оти се што може да ја проблематизира позицијата на Македонија нему добро му доаѓа), го потврди Брисел: со упатеното безусловно барање до ДУИ (дури „грубо“, како до невоспитано дете) веднаш да се врати во Парламентот. Тоа и беше испорачано од евроамбасадорите во земјава, од претставникот на ЕУ Ерван Фуере, ама ДУИ-џиите беа со „цврст став“, па се обидоа да го „објаснат“ и во Брисел: дека мора да се исполни нивната агенда во која акцентот е ставен на уставното преуредување на земјава (избор на Влада според Бадентеровиот принцип!). Тоа, пак, не значи друго, освен „легален“ обид за уривање на уставниот поредок на една земја, а за што во секоја „барем малку“ развиена демократија се казнува најстрого.
Македонија треба да биде многу поактивна во лобирањето кај Американците, посебно преку иселениците, за да се подобрат позициите во Конгресот и Сенатот.
Кога безбедноста на Претеседателот Црвенковски максимално ќе ја мобилизира еден обичен, пред влез на зграда заборавен куфер, тоа говори за врвен професионализам, одговорност, совесност…и тоа не само на неговото обезбедување, туку и на граѓаните кои покажале максимална грижа за својот „Татко на нацијата“.
Шегата настрана, навистина еден обичен куфер предизвика „општа мобилизација“ (14.04.) на граѓани, МВР, претседателовото обезбедување.
Штрајкот во „Ладна валалница“ ќе биде забележан во „современата борба“ на македонските работници за своите права (звучи „капиталистички“?; па да, тоа е тоа!) како прв поради лоши услови за работа. Дали и последен?
Судејќи според постојните стандарди во сите бизниси (вклучително и „канцеларискиот“), зачестеноста допрва претстои.
