Македонија потпиша декларација за стратегиско партнерство и соработка со Соединетите Американски Држави, најавувана веднаш по самитот во Букурешт. Најзначајно во неа е што САД ја реафирмираат поддршката на принципите за сувереност и територијален интегритет, гарантирајќи ја унитарноста на Македонија во нејзините сегашни граници. Тоа едновремено значи засилување на американско- македонското сојузништво.
(07.05.2008.)
Интересно, сето она што лидерот на ВМРО- ДПМНЕ Никола Груевски го рече на промоцијата на кандидатите за изборните листи на коалицијата „За подобра Македонија“ засега не предизвикува никаква реакција, туку една негова претходна изјава, инаку познат став: дека за промена на името на државата треба да решаваат граѓаните по парламентарните избори. (повеќе..)
Токму така! Она што го започна и во наредниот период ќе го продолжи многу поинтензивно нашиот јужен сосед- необјавена трговска односно економска војна, е само продолжение на безобразието кое за демократскиот свет полека станува ем несфатливо, ем неподносливо.
Меѓународниот „фактор“ е повторно срамно поразен од една од нејзините, според сите „перформанси“, најслаби членки. Овојпат тоа е неговиот „дел“-Европскиот парламент. И повторно поради една можеби (не само политички) најголема ступидарија на нашиов век: името на една земја која природно и припаѓа на Европа, ги исполнува сите услови и за неа и за НАТО, ама „неприродно“ не може да ги користи бенефитите од евро- атлантската интеграција затоа што друга сака да ја прекрсти „по свое“.
Веќе се неброени досегашните, па со оглед на „тврдите“ позиции, всушност неразумните-ступидните барања на Атина, оваа негова нова „офанзива“ може да се „пречека“ многу повеќе со „песимистички“ оптимизам, отколку со реален.
Метју Нимиц доби согласност од македонскиот државен врв за нивно продолжување, без оглед на предвремените парламентарни избори. Неговата „втора цел“ се надева дека ќе биде постигната утре во Атина- согласност и од неа.
Нимиц се сретна со премиерот Груевски, а потоа и со претседателот Црвенковски. На двете средби присуствуваше и министерот за надворешни работи Милошоски, а преговарачот Димитров само на средбата со Црвенковски.
Воопшто не ме изненади информацијата дека јужниот сосед почна да го бојкотира македонското јагне. Имено, во шпицот пред велигденските празници извозот во соседната земја е целосно запрен. Тамошните трговци ги откажуваат нарачките од Македонија и јагнешко за Велигден ќе продаваат само од Бугарија и Романија.
Ништо ново во македонскиот Парламент: и седницата за самораспуштање на Собранието „преполна“ со (познати) опструкции на опозицијата, со користење на процедурални забелешки и паузи. Главно, процедуралните забелешки (над 70 на број) беа околу нов претседател на ДИК, иако според толкување на собраниските служби, според Изборниот законик, секогаш претседателот на ДИК го предлага опозицијата, а заменикот е од редовите на власта и тој има мандат од 5 години. Следствено, нема одредени аргументи во законот што би се случило доколку има предвремени избори.
Деновиве во Атина, на иницијатива на САД, се одржала ненајавена, вешто скриена од јавноста средба на експерти од двете соседни земји. Се работи за прв од серија на состаноци на експертско ниво што ќе се одржуваат во наредниот период наизменично во Скопје и Атина.
Новинарска, медиумска шпекулкација? Нема да биде до колку во наредниот период се „пробие“ информација (како оваа) и за следните средби.
Олимпискиот факел тргна од древниот стадион во Олимпија на пат кон Пекинг. Во утрото минатиот понеделник грчката глумица Марија Нафплиотоу во улога на висока свештеничка го запали факелот пред Хериниот храм. Потоа му го предаде во рацете на Александрос Николаидис, освојувач на сребрен медал во теквондо на атинските Игри пред 4 години, прв носач на олимпискиот факел.
Откако вчерашната рунда на преговори во ОН не донесе значителен напредок, разговорите за името не запираат, продолжуваат на американско тло, но во поинаква форма и од нова локација. Од денеска дипломатските игри околу решението за името се селат во Вашингтон, каде што се во тек интензивни консултации помеѓу високи грчки дипломати и претставници на американскиот Стејт департмент.
Токму тоа, не за да се „потсети“ на одамна осознаената и развивана- практицирана суштина на демократијата, туку како дециден став и порака треба државниот врв на Република Македонија да му го испрати на светот, пред се на Грција. Затоа што е очигледно дека свесно, намерно се заборава, се напушта- исклучува, не „соодветствува“ на денешната стварност.
Грција е една од најголемите „перални на пари“ во Југоисточна Европа според годишниот извештај на Стејт департментот, објави атинскиот весник „То Вима“.
Во документот Грција е ставена на прво место во ЕУ според расходите во казината по глава на жител, наведувајќи дека парите од криминалните активности не се перат обично преку банките, туку многу често се инвестираат во недвижности, игри на среќа и на атинската берза.
Според Стејт департментот, вкупната сума на вложувањата во сите казина во Грција изнесува 2,8 милијарди евра, а нивната заработувачка во минатата година изнесуваше 600 милиони евра.
