Чудно и неразбирливо: една од ретките фондации кај нас, која е мошне „жива“- постојано, континуирано е присутна со акции и активности во општествениот, пред се културниот живот, доделува највисока парична, но и „звучна“ награда, а настанот- свеченото доделување се игнорира, премолчува или за него се информира само во два- три збора или реда!

Всушност, ништо чудно ако се има предвид недостигот од самопочит и меѓусебно почитување, (само)уривањето на личното и колективното достоинство, немањето чувство и критериум за вредното и убавото, урнисаниот систем на вредности…

Во пресрет на Денот на независноста на Македонија на Универзитетот ФОН во Скопје свечено беа доделени годинашните награди на Фондацијата „Рамковски“, што го носат името на втемелувачот на македонската нација, историја и култура Крсте Мисирков.

(повеќе..)

Веќе нема никакви дилеми, прашања и процедури:

Републиканецот Џон МекКејн и официјално ја прифати номинацијата на Републиканската партија да биде нејзин кандидат за претседател на на САД на изборите на есен, на 4-ти ноември. Тој им се обрна на делегатите на партискиот конгрес во Сент Пол, Минесота, со предупредување до политичката елита во Вашингтон оти со него „доаѓа промена“. Некои веднаш се сетија дека слоганот „промени“ беше главниот во кампањата на демократскиот противник Барак Обама.

(повеќе..)

Се разбира, не се работи за „трка“ со другите земји во регионот, особено не со оние што од поодамна ја имаат „в џеб“ Спогодбата за стабилизација и асоцијација (Македонија) или во преговарањето се во поодмината фаза, туку за поинакви услови (читај: интереси) што за неа ги има „смислено“ ЕУ. Ако се имаат предвид некои изјави на клучни фактори во Брисел по апсењето и испорачувањето на Караџиќ на Хаг, пречки „практично“ не постојат. (Спогодбата е веќе потпишана, деновиве најверојатно ќе биде ратификувана од српскиот Парламент) Освен една: независно Косово.

(повеќе..)

И покрај тоа што силата на ураганот „Густав“ беше намалена до прва категорија според скалата на Сафир-Симсон, со максимална брзина на ветровите од 145 километри на час, најмалку 12-мина луѓе загинаа во американската држава Луизијана. Ниту една од жртвите не е од Њу Орлеанс. Во меѓувреме тој ослабна до тропска бура која предизвика поплави и прекин на електричната енергија.

(повеќе..)

Наместо колку- толку да се корегира, што значи да ги пренасочи своите активности во „конструктивна“ насока, раководството на Федерацијата на фармери продолжува со своите нелогични и штетни потези и активности. Членството би морало што поскоро да се „позанимава“ со него, да испита и открие од кого е „диригирано“, да побара конкретна одговорност за штетите што им ги нанесе на големите- крупните индивидуални млекопроизводители и да го смени.

Наместо по средбата на сточарите и млекарниците, на која е договорена идната заедничка активност за разрешување односно надминување на проблемите, да се прогласи прекин на протестот, раководството на Федерацијата соопшти дека него го става „во мирување“. Прашање е дали воопшто ја знае разликата помеѓу прекин и мирување на протест односно штрајк.

(повеќе..)

Всушност, се „читаше“ уште на самиот старт од судирот Русија- Грузија, само што беа нејасни некои детали односно меѓуредови. Не беше познато дали ќе се повторат одамна проверените, спроведените во практика. Затоа што се работи за стандардно сценарио, досега многупати, во разни конфликти реализирано, особено во времето на Студената војна чие ново издание очигледно започна (повеќе..)

Филмскиот фестивал во Венеција свечено започна синоќа со светската премиера на филмот на браќата Коен (Џоел и Етан) „Burn After Reading“, прикажан вон конкуренција. Домаќинка на церемонијата на отворањето „Palaco Sinema“ беше Ксенија Рапопорт, една од најпознатите руски филмски и театарски глумици.

65-от фестивал ќе трае до 6-ти септември.

(повеќе..)

Неколку стотици косовски Срби протестираа во Зубин поток по повод најавата за јакнење на граничната контрола на север на Косово. Србите порачаа дека нема да прифатат воспоставување на граница помеѓу Косово и Србија, никту пка ќе ја признаат мисијата на EULEX.

(повеќе..)

Во март 2006-та година во електронскиот весник „Дневен е-Еснаф“, кој во меѓувреме престана да се „печати“, го објавив текстот „Финансирањето на политичките партии и на предизборната кампања“ како моја реакција на барањето на Европа за контрола на финансирањето на политичките партии во Македонија.

Бидејќи сметам дека во меѓувреме буквално ништо не се смени, текстот повторно го објавувам овде без да сменам макар една буква (извршив други незначителни поправки и доправки).

(повеќе..)

Како секогаш, во „најдемократската држава на светот“ се чини дека и овојпат до последен момент нема да се знае кој ќе биде новиот претседател на САД. Дали треба да потсетам како актуелниот Џорџ В. Буш го доби вториот мандат („местенката“ во меѓувреме се заборави)?

Најновата вест е дека „навреме“ Барук Обама си избра заменик (што е традиција во САД). Доколку победи на претседателските избори во САД наесен, Џозеф Бајден ќе биде потпретседател на САД.

(повеќе..)

Што се случува со судењето на Радован Караџиќ во Хаг? Се прашува некој, го интересира ли некого тоа, особено кај нас?

Интересна е динамиката и рамнодушноста со која ги следиме случувањата на денот кај нас и во светот. Во нив има „простор“ и за психо- социјална и за економско- политичка, филозофска, па и за естетска промисла (во однос на квалитетот на животот). Дали леснотијата на „поднесувањето“ произлегува од навасувањето на едно по друго, на едно со друго (напоредност), па и на едно во друго (последователност)? Притоа, посебен предизвик претставуваат оние случувања што непосредно или посредно се однесуваат на одделна заедница (општество, држава) и на индивидуален план.

Друго е со настаните (верувам дека ја знаете суштинската разлика помеѓу нив и случувањата). Нив ги дознаваме, согледуваме, проследуваме до „должно“ миговно внимание (најчесто „никакво“, поточно на ниво на нивна регистрација во движење или здив- почин). Во однос на нив треба да се имаат предвид последните (неколкудецениски) резултати во развојот на „глобалното село“, и тоа во суштинското значење на терминот што го дава Маршал Маклуан.

(повеќе..)

Со традиционалното палење на фестивалскиот оган започна 47-то издание на СВП.

Денеска во Паркот на поезијата во Струга годинашниот добитник на Златниот венец, познатиот албански поет со светско реноме Фатос Арапи посади дрво и притоа изрази голема радост што ја доби оваа престижна награда, која за него има особена важност бидејќи покажува дека овде се почитува не само поетот, туку и поезијата, со што Македонија според него, станува поетска република. (повеќе..)

Не претставува никакво изненадување резултатот од неколкучасовниот разговор помеѓу претседателот на државата Бранко Црвенковски и претседателот на Собранието Трајко Вељановски: 5-те спорни закони ќе се гласаат по третпат. Уставната криза, што ја создаде Црвенковски со одбивање за истите да потпише укази (намерно и со „насетувачки“ цели; на пример, враќањето на опозицијата во Парламентот е „формата“, а „содржината“ односно суштината нешто сосема друго; меѓу другото повторно наметнување на „политички дијалог“ кој, поради карикатуралноста не е во „мода“, па треба да се „преименува“), се решава противуставно. Чудно, особено ако се има предвид дека пред, во текот или по разговорот, сеедно, биле консултирани уставни експерти.

(повеќе..)

Странските новински агенции постојано, од час во час јавуваат дека руските авиони продолжуваат со нападите на воената база и радарите во близина на грузиската престолнина Тбилиси, како и бомбардирањето на Гори, центарот на логистиката на грузиската армија на границата со Јужна Осетија, а грузиските продолжуваат со нападите врз цели во Јужна Осетија.

(повеќе..)

ВМРО-ДПМНЕ на прес-конференција презентира цел список на лица кои биле осудени и помилувани од претседателот Бранко Црвенковски, а кој пред домашната, па и меѓународната јавност (го имаме предвид неговиот углед како претседател) го ставаат во мошне непријатна позиција: дека работи и дејствува партиски (ги штити луѓето и интересите на неговата партија СДСМ), но и противуставно односно ја злоупотребува службената положба. На посреден начин мошне „проблематични“ стануваат и аболицијата на Зоран Заев и  дигнитетот на  СДСМ.

(повеќе..)