Приемот на нови членки во ЕУ станува се потежок, посложен и понеизвесен. Особено за оние кои веќе забрзано „чекорат“ кон неа или се на нејзиниот праг. Тоа не е ништо друго, освен одбрана на интересите на одделни членки или групи односно кругови, пред се на најсилните, на „елитата“, освен страв од „разводнување“ на европската заедница, но пред се веќе согледаната немоќ и неспособност на прескапата, гломазна администрација во Брисел да ги координира и реализира заедничките интереси.

Од друга страна, токму таквата „проблематизација“ или се поевидентното „затворање“ ја прави реална опасноста (прогнозата) за скорешно „самораспшутање“, „природно растурање“ на ЕУ, нејзино сведување на сегашните 4- 5 најсилни членки. (повеќе..)

Како човек, професионален новинар и творец отсекогаш сум се залагал за поддршка- стимулирање, промоција и афирмација на вредности- дела- творештво. Затоа што сметам дека создавачкото- генеричкото во човекот и од него е единствената цел, ако сакате и смисла на живеењето, на постоењето. Притоа, за разлика од многумина други промислувачи односно мислечки луѓе во минатото и денес, јас не мислам дека на тој начин се победува времето, односно се поразуваат минливоста и маргиналноста, туку вечноста како заедничка назнака на трајноста и бескрајноста се потврдува единствено во создавањето и создаденото. (повеќе..)

ЕВН е постојано незадоволна, реагира, се закаува, македонската Влада предупредува и „се надева“, а граѓаните трпат штети поради чести прекини на струја и масовни исклучувања. За нејзиниот квалитет да не правиме муабет.

Ама сепак ќе мораме. Само ова: да, „европска“ цена на електричната енергија (и при „неевропски“ стандард), ама и „европска“ струја! Дали каде било во Европа (мислам пред се на земјите- членку на ЕУ) ЕВН би можела- би смеела да наплатува „нормална“ цена за „ненормална“ испорачана струја (со несоодветен односно „нестандарден“ напон)?

(повеќе..)

Секоја година исто, само малку различно: продолжува (макотрпно) производството на македонскиот тутун, во континуитет се преземаат стимулативни мерки, особено за подобрување на квалитетот и непречен, се инсистира на редовен откуп по реални цени. Меѓутоа, сето тоа проследено со „получекори“, ветено- нереализирано, незадоволство и разочарување. (повеќе..)

Со интензивирањето на кампањата, а на само 10-тина дена до крајот, расте неизвесноста за тоа кого американските граѓани со право на глас ќе изберат за нов американски претседал. Очигледно и кандидатот на демократитe, Барак Обама, и на републиканците, Џон МекКејн, веќе почнаа да го користат „завршниот арсенал“ на „вербалното оружје“, кој, како секогаш, е решавачки и од ден на ден дури драматично ја менува разликата во рејтингот помеѓу нив. Последната е „на страната“ на МекКејн. (повеќе..)

Ракометот како најтрофеен спорт во Македонија, еден од врвните спортови, на европската сцена се потврдува и на клупски план. Иако очекувани и реални, победите на „Металург“ и „Вардар Про“ се мошне значајни. Едно поради сигурноста и самоувереноста во играта, а друго и затоа што во европските натпреварувања е мошне важна стабилната, константната, а пред се континуираната игра. Почетните резултати најавуваат настап во Европа и во следната година.

(повеќе..)

„Најголемата“ опозициона партија СДСМ(во наводници оти е мошне дискутабилно  односно речиси сигурно дека не е тоа, особено не во однос на значењето и улогата што би требало да ја има како „клучен играч“ на македонската политичка сцена) продолжува со стариот „манир“: да ја бара вистината од други (од Владата на Груевски) користејќи лаги и сопствени конструкции. Па и веќе „популарните“ јавни трибини (во наводници оти не се тоа, како што веројатно било планирано, туку „чисто“ партиски- на кои учествуваат и или партиски „војници“ или партиски „приврзаници“) се обична лакрдија; на нив се презентираат „докази“ за лошто владеење на позицијата кои и нејзе, но и на многу други (пред се на медиумите) им служат за мајтапење- директно или индиректно сеедно).

Сето тоа е само уште еден доказ за „вредноста“ на познатиот виц за „кризата“ на јавната куќа: не ја „надминала“ зашто ги променила чаршавите, а не…

(повеќе..)

Владата на Караманлис и тој лично очигледно ги издава трпението. Се повеќе станува јасно дека Атина ниту барала, ниту бара конструктивно решение на нејзиниот проблем во врска со името на нашата земја, туку нова географска одредница која всушност значи бришење на националниот идентитет на македонскиот народ. (повеќе..)

Какви бои има западната демократија? Има ли доминатна? Веројатно е зелено- сината (САД- Европа), но не треба да се заборави и на жолтата (европските ѕвезди; се сеќавате на „Подвлечено со жолто“?). Црвената е нејзино минато, особено затоа што се смета дека повеќе недемократска (таму кајшто ја има, на пример во Кина, некои латиноамерикански држави…). А портокаловата (како „премин“ од црвена во жолта)? Е, неа дефинитивно ја (из)губи.

Дали со новата светска економска односно финансиска криза западната демократија полека не станува доминатно сива, поточно безлична?

Верувам дека добро се разбравме. Па, размислете.

(повеќе..)

Да, улогата на Метју Нимиц во надминувањето на проблемот што го има јужниот сосед со името Македонија (не уставното име на државава), всушност со постоењето и идентитетот на македонскиот народ, одамна не е медијаторска, а на тоа не се реагира. Освен неодамна, кога македонската „страна“ му обрна внимание дека ги пречекорува своите ингеренции. Неговото наводно заборавање е  вешто и итро (дипломатско?) наметнување на себе си како клучен фактор, решавач на проблемот.

Кога би бил она за што е избран од страна на ОН- медијатор, ниту досега, ниту сега, ниту во поблиска или подалечна индина не би си „дозволил“ да предлага нови имиња за Република Македонија, секогаш со „придружни пакети“, туку би барал предлози од двете „страни“, кои потоа би ги разгледал со помош на експерти, за најпосле да посредува во формулирањето на  заеднички  прифатливиот. Можно ли е на Нимиц тоа да не му е познато? Не! (повеќе..)

Дефинитивно глобализмот ја губи битката со антиглобалистите, но и со самиот себе и почнува да отстапува (повторно?) пред регионализмот. Најголемиот, можеби и последниот удар го доби(ва) со новата светска економска криза и рецесија.

Веројатно многумина ова тврдење го „пречекуваат“ со чудење, неверување, како премногу лаичко, неаргументирано и слично на тоа, особено оние што мислат дека со Интернет „глобалното село“ на Маклуан порасна во „глобален полис“ (ви се допаѓа ли кованицата „глобалполис“?). Меѓутоа, ако малку повнимателно го проследите и проанализирате геостратешкото „прегрупирање“ што е во тек, како и интензитетот на кризата, особено на рецесијата (се поголемиот пад на економскиот раст на држави и региони), сигурен сум дека во најмала мера би посветиле повеќе време за размисла и промисла. (повеќе..)

Најнапред:

„Ова“ е најновото зголемување на цената на лебот кога за тоа не постојат апсолутно никакви причини, а уште повеќе оти е очигледно договорено.
За „и“ помеѓу ЕУ и развиениот свет: во постојаното, секојдневното „трубење“ за „единствениот спас“ на Македонија во евро- атлантското интегрирање се „подзаборава“ дека ЕУ не е сиот развиен свет. Напротив, многу земји надвор од Унијата се поразвиени. Всушност, малку членки (само водечките 5-6) можат да ги „задоволат“ светските стандарди за развиеност. Доволно е да се сетите на САД, Кина, Русија, Швајцарија, Норвешка, азиските „џинови“…). Па кога некој тврди дека земјава нема алтернатива, нека се праша дали знае што е тоа развиена односно високо развиена земја и како се „прави“ таква без интеграција со други, членство во сојузи, унии, федерации, конфедерации итн.

(повеќе..)

За разлика од олимпијците, кои постигнаа резултати под своите можности, а повеќето од нив не требаа ниту да патуваат на ОИ 2008-ма во Пекинг, параолимпијците Бикова и Каранфилов успешно настапија на 13-те игри и треба да им се честита. Се разбира, имајќи ги предвид постигањата на претходните, високите позиции на светските ранг листи во своите дисциплини, можеа да постигнат и повеќе, но во секој случај тие се „одбранети“ .

(повеќе..)

Колку одлуката на Владата на Република Македонија да го либерализира визниот режим со сите земји коишто се наоѓаат на т.н. „бела листа“ на Европската унија, како и со државите кои не се на таа листа, а чии граѓани имаат важечки и валидни пасоши и шенген визи, ќе помогне ЕУ конечно да се „сепне“ и да престане постојано да измислува се нови и нови критериуми со кои го одложува укинувањето на визите? Или нема врска едното со другото?

Да потсетам, за исполнување на услови, најави, разговори, почеток на преговори постојано слушаме и читаме со години наназад, а најновиот „реален рок“ е 2009-та година (претходниот беше крајот на  оваа 2008-ма). Што е реално за ЕУ кога станува збор за Македонија?

(повеќе..)

Ураганот „Хана“ кој настапи по „Густав“ засега остави зад себе најмногу жртви. Агенциите јавија дека полицијата на Хаити, во градот Гонаивес, кој има 300.000 жители, откако се повлекла водата од поплавата пронашла најмалку 500 трупови. Постои загриженост дека бројот на настрадани би можел да биде и поголем. Билансот на жртвите се зголемува од час во час, соопштi Канцеларијата на ОН за координација на хуманитарни работи (ОЦХА). Локалните власти известуваат дека нивото на водата во некои делови на градот била и до 5 метри.

(повеќе..)