Рајнхарт Бургер, претседател на германскиот центар за заразни болести „Роберт Кох“, потенцира дека, иако засега нема позитивни резултати од истражувањата на никулците одгледувани на фарма во Долна Саксонија, епидемиолошката анализа на моделот на ширење на заразата дава доволно докази за да може да се изведе заклучок: никулците од гравот се „виновни“.

Тој појасни дека било направено истражување со патници во автобус кои се хранеле во еден ист ресторан. Секој што порачал јадење кое содржело никулци се разболел од крвава дијареа, првиот симптом на заразата со еширихија коли.

Пред 3 дена генералниот директор на фармата Клаус Фербек изјави дека не разбира како тие може да бидат извор на заразата:

„Не сфаќам како стигаат обвинувања на наша сметка кога ние никулците ги одгледуваме само во вода и семе, а не користиме ѓубриво. На целата фарма ниту правиме, ниту користиме шталско ѓубре“.

Полицијата го затвори главниот влез на фармата, од селото Алт Стедорф во Долна Саксонија.

Некои теоретичари сметаат дека бактеријата е намерно произведена. Тоа е завера чија цел е контрола на снабдувањето со храна и стимулирање на продажбата на лекови.

Имено, на мистериозното прашање како таа станала отпорна на 8 видови антибиотици и се појавила во храната интересна теорија објави порталот naturalnews.com.: форензичките докази јасно покажуваат дека овој облик на бактерија настанал со биоинженеринг за да се дојде до човечки жртви!

Тој е дел од низата O104 која во нормални услови речиси никогаш не е отпорна на антибиотици, а за да стане отпорна е потребно да се изложува на антибиотици за врз неа да се изврши „мутационен притисок“ поради кој се создава отпорност. На порталот се убедени дека е невозможно да се случи вакво нешто по природен пат затоа што во природата бактеријата не можела да стекне отпорност на толку голем број антибиотици.

Ако е вистина дека е вештачки создадена, тогаш сигурно, сметаат теоретичарите, е и намерно пуштена во храната или „избегала“ од лабораторија.

Целта е контрола на светското снабдување со храна и намалување на користење на сурова храна, а се се одиграло кога ЕУ требало да го забрани користењето на лековити растенија и разни надоместоци на храната. Потоа, велат, целта била да се доведе под прашање и свежиот зеленчук кој исто така се користи како лек зашто се додека има свеж зеленчук можат да се спречат разни болести.

Постојат повеќе теории на завера кои се занимаваат со смртоносната мутирана бактерија E. Coli, но сите теоретичари се согласуваат во едно: бактеријата настанала за да се отстрани зеленчукот, да се загрози вегетаријанството и да се промовира што поголемо консумирање на месо.

Инаку, бактеријата е главно простодушна и живее во човечките и животинските црева. E.coli O157:H7, односно EHEC првпат е откриена во 1982. година во САД, но веќе одамна е раширена во сите земји на светот. Најчесто живее во системот за варење кај преживари како говедата, но и во цревата на други домашни животни и птици, а се пренесува со нивниот измет, преку зеленчукот кој е ѓубрен со шталско ѓубре или преку месо. Бактеријата и нејзините токсини се уништуваат под висока температура, односно со термичка обработка. Инфекцијата може да се пренесе и со допир од заразени животни или луѓе.

Најчест извор на зараза е недоволно печено мелено месо како плескавица, но тоа можат да бидат и непастеризирани сокови, салати, салами или непастеризирано млеко.

Некои епидемии се поврзани и со загадена бунарска вода како и со несоодветно дезинфицирани базени.

Контаминираната храна не може да се препознае според мирисот или изгледот, а бактеријата е мошне виртуелна со мала инфективна доза.
Инфекцијата често предизвикува крвав или обичен пролив и грчеви во стомакот. Обично не предизвикува поголемо зголемување на температурата, а трае 10-тина дена. Најчесто се дијагностицира врз основа на примероци на измет, иако постојат и некои други методи.

Клиничките симптоми на болеста, како дијареја, се јавуваат главно кога бактеријата веќе се проширила низ организмот и го произвела отровот веротоксин кој предизвикува згрутчување на крвта, а против кое не постои лек. Отровот во 2% од 7% случаи може да предизвика хемолитичко- уремички синдром (HUS), односно внатрешно крвавење, па и престанок на функцијата на бубрезите, особено кај децата и постарите, како и кај луѓе со ослабен одбранбен систем или кај оние кои земаат некои имуносупресиви. Во САД е главен причинител на акутно престанување на функцијата на бубрезите кај децата.

На некои павиенти им е потребна дијализа на крвта и инфузија за да се спречи дехидрација, меѓутоа повеќето заболени се опоравуваат по 10 дена без лечење. Истражувањата не покажале дека антибиотиците помагаат, а нивната консумација може дополнително да ги оптовари бубрезите.

Смртноста на интензивна нега е помеѓу 3% и 5%.

Во изминатите неколку месеци испраќаше свои следбеници да ја обиколуваат Земјата, да ја делат Библијата и да закачуваат билборди со предупредување за „судниот ден“, емитирајќи ја својата порака дури на 71 јазик!

Да не го „предадоа“ годините?

Пораката за судниот ден беше испратена од Калифорнија на време во сите делови на светот, со користење на разни медиуми, но вчерашниот ден- 21. мај помина без вести за каква било катастрофа, а камо ли за катаклизма.

Малку познато: Кемпинг има неколку медиуми- радио станица, кабловски и сателитски ТВ канал, веб сајт, и сите се контролираат од една скромна зграда помеѓу продавница на автомобили и деловен простор за читање од дланка, во калифорнискиот град Оукленд.

Неговото Семејно радио, кое објавува апокалиптични предвидувања, најави дека в сабота, на 21. мај во 18 часот ќе дојде до пропаст на светот, точно 7000 години од библискиот потоп во кој преживеале само патниците на Ноевиот кораб. Според Кемпинг, овојпат ќе се спасат 200 милиони луѓе кои ќе бидат однесени на небото, а сите други ќе умрат во земјотреси, епидемии и  други несреќи, додека планетата Земја дефинитивно не согори на 21. октомври.

Во веста, што ја пренесоа сите светски агенции, големи и мали електронски и печатени медиуми, се вели дека христијанските лидери ширум светот го отфрлиле ова пророштво, потенцирајќи оти пораката на христијанството не е порака на суден ден, туку на спасение и надеж. Некои локални цркви изразиле загриженост дека на 21. мај следбениците на Кемпинг би можеле да бидат зафатени од депресија.

Дека секогаш ќе се најдат некои што веруваат во „црни“ пророштва и се плашат, се покажа и докажа во „случајот“ на проповедникот Кемпинг: ја зеле Библијата в раце и „последните моменти“ ги минале со најблиските. Меѓутоа, како што минувал денот без катастрофални вести, на многумина негови следбеници им станувало се понепријатно. Некои до последен момент го очекувале крајот на светот, верувајќи дека Бог само ги искусува одлагајќи ја апокалипсата за последните моменти од денот. Некои на крајот, сепак, се досетиле дека одлуката за толку крупна работа, како што е пропаст на светот, сепак не е на Кемпинг, туку е божја волја.

Како што се ближела саботата, растеле прилозите кои Семејното радио штедро ги трошело за Кемпинговата порака да допре што пошироко. Таа фирма уште во 2009. година пријавила дека добила 18, 3 милиони долари прилози донации и оти поседува имот вреден 104 милиони долари, вклучувајќи 34 милиони во акции.

Кемпинговите катстрофични пророштва очигледно се добродојдени за бизнисот на Семејното радио, така што не изненадува дека решил да ги повтори. Неговото прво пророштво за крајот на светот е дадено во 1994. година, а откако не се остварило Кемпинг тоа мирно и го припишал на математичка грешка. Во интервју минатиот месец изјави дека не му е непријатно поради претходното погрешно предвидување, зашто работата е само во тоа дека е дадено прерано. Овојпат, тврдеше, нема шанси да се повтори таква грешка.

Што сега? „Вашингтон пост“ објави некои искуства на оние што поверуваа и продадоа се што имаат:

Роберт Патрик изјавил дека бил многу изненаден кога дошол 18 часот, но ништо не се случило. Тој ја потрошил сета своја заштеда да објави реклама за крајот на светот.

„Не можам да објаснам што чувствувам сега. Изгледа не сум разбрал се најдобро бидејќи уште сме сите тука“ изјавил тој опкружен со туристи.

Кит Бауер, кој возел од Мериленд до Калифорнија за таму да го дочека крајот на светот, вели дека на почетокот малку се сомневал,но потоа престанал со скептицизмот зашто верува во Господ.

„Се надевав дека ќе се случи бидејќи мислам дека небото е многу подобро од оваа земја“ вели Кит кој работи како возач на камион.

„Ќе се случи 21. мај“ рекол Мајкл Гарсија, специјален координатор на Семејното радио. Тој се молел и ги пиел последните две кафиња со својата сопруга, а денеска вели:

„Кога ќе речеш нешто и тоа нема да се случи те боли гордоста. Но,кому му треба гордост? Нели Господ вели „Оставете ја гордоста, бидете скромни и достоинствени“?

Така е! Кому му треба гордоста…особено кога се работи за прилози, донации, имот и акции во вредност од стотици милионин долари.
Најновата вест е дека Харолд Кемпинг ги собрал парите што ги собрал од верниците за спас при апокалипсата и го нема никаде! Да не паднал во депресија оти пак погреши?

Неговата семејна куќа во Калифорнија е замрачена со ролетни, а на неговата фирма, како и на вратата на црквата што ја основал, само стои натписот „Канцеларијата е затворена“.

Илјадници следбеници се собрале пред неговата радио- станица зашто лековерните му дале чекови и животна заштеда за да се спасат.

А да пробам  и јас, макар „само“ за некое „евро- илјадарче“? Ќе ми успее?

Пророкувам: СВЕТИ АПОСТОЛ ПАВЛЕ ТРГНА НА СПЕЦИЈАЛНА МИСИЈА ИСПРАТЕН ЛИЧНО ОД ГОСПОД И ДО КРАЈОТ НА ГОДИНАВА ЌЕ МУ СЕ ОБРНЕ НА СВЕТОТ СО ВАЖНА ПОРАКА!
Доколку сакате лично да ви се обрати, примам донација, чек или дел од животна заштеда на домашна адреса!

Ова мое пророштво не е поврзано со Владимир Путин! Што? Не ја прочитавте веста од пред десетина дена?

Владимир Путин стана симбол на стравопочит на бизарна женска секта, чии следбеници веруваат дека рускиот премиер е реинкарнација на раниот христијански мисионер апостолот Павле.

Како што пренесе дописникот на британскиот весник „Телеграф“, членовите на сектата која се раширила во едно руско село на околу 300 километри југоисточно од Москва, веруваат дека 58- годишниот лидер се наоѓа на специјална мисија на која го испратил лично Господ.

„Според Библијата, апостолот Павле бил прво воен командант и зол прогонител на христијаните, пред да почне да го шири христијанското учење“, вели соосновачкта на оваа православна секта, кој себе си се нарекува Мајка Фотина. „Во деновите на КГБ Путин исто така направи некои погрешни работи. Но кога стана претседател, тој е проникнат со Светиот дух и како апостол почна да мисли помудро, предводувајќи го така своето стадо. Сега му е тешко, но тој и натаму ја исполнува својата должност на апостол“.

Извештаите од седиштето на сектата, кое се наоѓа близу до рускиот град Нижњи Новгород, велат дека членството се состои исклучиво од жени облечени како калуѓерки, а кои по цел ден се молат за успех на Путин пред традиционална икона на Руската православна црква, покрај која е поставен портрет на рускиот премиер.

Како што им доликува на следбеници на секта на човек кој ја осудил декаденцијата на олигарсите, членките на сектата велат дека преживуваат само на спартанска диета од морков, грашок и хелда.

Локални медиуми објавија дека вистинското име на Мајка Фотина е Светлана Фролова. Отец Алексеј, свештеник во локалната црква, го осудил постоењето на православната секта која го слави аристократскиот премиер на Русија:

„Нејзините таканаречени учења се бесмислена мешавина на православјето, католицизмот, окултизмот, будизмот и политички информации“, рекол тој. „Но (Мајка) Фотина не е луда“, додава тој.

Портпаролот на Путин вели дека е збунет од постоењето на сектата која го велича актуелниот руски премиер:

„Ова е првпат да слушнам за таква религиозна група“, рекол Дмитриј Песков. „Импресивно е што тие имаат толку високо мислење за работата на премиерот, но јас би сакал да ги потсетам на уште една заповед: Немој да им се клањаш на лажни идоли“.

Уште едно предупредување од мене: моето пророштво нема врска со (се уште) актуелниот македонски премиер Никола Груевски.

По објавувањето на веста за смртта на Саи Баба илјадници негови следбеници се собраа пред болницата на Медицинскиот институт во неговиот роден град Путапарти, во јужната индиска држава Андра Прадеш. Штом беше хоспитализиран, тие стасаа во Путапарти и го запоседнаа градот спиејќи на улиците во недостиг на хотел. Продавниците и градските канцеларии оттогаш беа затворени од почит спрема Саи Баба.

Милиони ширум светот веруваат дека тој поседуваше натприродни моќи, како што се можноста да прави предмети од воздух, да се сеќава на минатите животи и да лекува смртоносни болести.

Помеѓу неговите следбеници беа поранешниот премиер Атал Бихари Ваџпаи, судии, глумци, генерали, индиската легенда во крикет Сачин Тендулкар и холивудската ѕвезда Голди Хон.

Премиерот Манмохан Синг изјави дека Саи Баба инспирирал милиони луѓе да водат исполнет живот без оглед на верата:

„Неговите учења имаа корени во универзалната идеја на вистината, правилното однесување, мирот, љубовта и ненасилството. На милиони негови следбеници им испраќам искрено сочувство“.

Саи Баба тврдеше дека е реинкарнација на поранешниот духовен лидер Саи Баба од Ширди, кој умрел во 1918. година. Предвидуваше дека ќе живее 96 години, па веста за неговата смрт ги збуни приврзаниците кои му припишуваат натприродни способности, помеѓу кои и излекување на болни во терминална фаза и присетување на поранешни животи.

Се проценува дека во повеќе од 100 земји има 10 милиони негови поклоници.

Неговата организација финансирала здравствени и образовни проекти во Индија, вклучувајќи болници и клиники кои тврделе дека можат да лечат болести кои медицината не може да ги излечи.

Еден од неговите најголеми финансиери бил поранешниот сопственик на синџирот на ресторани „Хард рок кафе“, Ајзак Бартон Тигрет, кој се преселил во Путапарти и и подарил голем дел од своето богатство на Саи Бабината фондација.

Нема ништо непознато за животот, мислата и делото на Саи Баба. (На слободната Интернет енциклопедија „Википедија“ има мошне детален текст за него- го користам за овој прилог.)

Тој е роден на 23. ноември 1926. година под името Сатјанарајана Рају. Во 1940. се прогласил за „аватар“, реинкарнација на хиндуистичкиот свет човек Саи Баба од Ширди. Во младоста бил поет, пејач и писател. Најави дека повторно ќе се роди во 2030., како Према Саи баба во Карнатака, југозападниот дел на Индија. Ќе биде мошне висок и ќе има долга коса.
Некои сведочат дека се тргнало лошо кога во 2005. скршил рака и нога, па лекарите му открила остеопороза. Потоа повеќе не можел да оди, а се чини дека во последните 15 години ја изгубил моќта на материјализирање на материи, света прашина, вонсезонско овошје и прстени.

За разлика од повеќето други хиндуисти, кои се кремираат, Саи Баба е погребан, што се толкува како посебна почест за луѓе кои се сметаат за свети.

Нарајана Кастури, автор на биографија за Саи Баба, нагласува:

„На 24. ноември 1926. Сри Ауробиндо Гош излезе од медитативниот транс и изјави дека „Кришна слезе во физичко“. Ден пред оваа најава, на 23. ноември 1926., аватарот Саи Баба се роди“.

Многумина сметаат дека Сри Ауробиндо го најавил славниот Сатја Саи Аватар. Сатја Саи Баба се осврна на таа легенда во 1999. кога изјави: „На 24. ноември 1926. Ауробиндо го прекина својот завет на молчење и изјави дека Бог се отелотвори претходниот ден. По оваа значајна изјава продолжи со својот завет на молчење“.

Уште како дете Сатјанарајана бил сосема ненаклонет на невегетаријанската храна. Стоел подалеку од местата каде што се убивале свињи, овци, говеда, кокошки или ги мачеле, каде што биле заточени или каде што ловеле риби“.

„Додека имал три- четири години, секогаш кога ќе се појавел некој просјак на врата и молел за помош Сатја ја напуштал играта и брзал внатре за да ги убеди своите две сестри да му дадат малку жито или храна…Детето стана љубимец на целото село Путапарти“. Неговите пријатели го нарекувале „Гуру“. Неговиот учител Шри В.Ц. Кондапа се присетува на времето додека тој бил негов ученик и изведувал волшебни трикови, како кога извадил слатки, играчки, цвеќе, овошје, гумички и моливи од празни вреќи и зборувал дека „ангел“ му дал се што посакал“.

Бил посебно талентиран за музика, поезија и глума. Дури и пишувал песни за селска опера кога имал 8 години. Кога имал 10 ја основал групата Сатја Путапарти Пандари Бајан, за претставување на песни на љубовта и верноста спрема Бога. Сатја Саи Баба знаел да прераскажува некои од тие молитви и 50 години подоцна. На 8. март 1940. година Сајта го каснал „голем црн шкорпион“. Паднал во несвест и останал неподвижен. Не зборувал и неговото дишење ослабело. Веднаш добил медицинска помош и следното утро докторот рекол дека е надвор од опасност. Во следните неколку дена имало видливи промени во неговото однесување. Не прифаќал никаква храна, бил во тишина, а понекогаш долго рецитирал Санскрт стихови и филозофски мудрости на древна Индија. Докторите верувале дека е тоа дел од хистерија, но симптомите на смеење, плачење, зборување и тишина продолжиле. По една недела Сатја бил префрлен назад во својот дом во Путапарти. Родителите го однеле кај многумина свештеници, доктори и егзорцисти.

Таа година, значи на 14- годишна возраст, тој објавил дека е реинкарнација на Саи Баба од Ширди- светец кој станал познат на крајот од 19. и почетокот на 20. век. „Саи“ е персиски збор кој значи „Свет“, а Баба е хиндуски нагалено татко.

Во 1944. во близина на родното село на Саи Баба е изграден храм за неговите следбеници кои станувале се побројни. Потоа селото станува центар за аџилак. Отворен е и универзитет со три кампуси и две посебни болници кои се грижат за потребите на сиромашните бесплатно.

Во 1960. Сатја Саи Баба изјавува дека ќе биде во овој смртен човечки облик уште 59 години (значи до 2019.). Во 1963. претрпува мозочен удар и четири тешки инфаркти. Неговата лева страна останала парализирана, а видот на неговото лево око и неговиот говор биле исто така тешко погодени. Гуру Поорнима прославите започнале и со помош на неколкумина ученици тој практично морал да биде носен до подиимот. По неколку минути побарал вода. Испил голтка (со помош на следбеници), а потоа ја испрскал со неколку капки својата парализирана лева рака и ногата. Со обете раце почнал да ја масира левата нога. „Во секунда“ ногата, окото и целата лева страна на телото станале нормални, па следниот час одржал говор. Ноќта изел нормален оброк, а во следните денови здравјето му се вратило.

Од 2005. година Сатја Саи Баба користеше инвалидска количка, а неговото нарушено здравје го принуди да има се помалку јавни настапи.

Главни убедувања на Саи Баба:

-љубов спрема сите суштества;
-социјална помош на сиромашните, бедните и гладните; да му се служи на човекот е еднакво да му се служи на Бога;
-да се држат сопствените желби под мера и контрола; инаку човек заборава на највисоката свест (Paratattva); желбите можат да станат затворска ќелија;
-светот е илузија (Maya), само Бог е вистински;
-внатрешно е: секој човек е всушност божествена свест (Atman) која низ индивидуален процес има свој „личен“ развој;
-медитација;
-прифаќање на сите религии;
-пацифизам, т.е. отпор на секое насилство;
-„Помогни секогаш, не ранувај никогаш“.

Исто така се препорачува вегетаријанство и отфрлање на алкохол, цигари и дроги.

На церемонијата присуствуваше и рускиот претседател Дмитриј Медведев, кој учествува на тристраниот состанок со претседателите на Украина и Белорусија

На 26. април 1986. година во 1 часот и 23 минути по локално време четвртиот реактор на нуклеарната централа во Чернобил експлодира при проверка на безбедноста и испушти во атмосферата радијација еднаква на најмалку 200 атомски бомби како онаа фрлена над Хирошима, на крајот од Втората светска војна. Радијацијата зафати голем дел од Европа. Стотици илјади луѓе беа принудени да ги напуштат своите домови во најзагрозените области во Украина, Белорусија и западна Русија.

Не постојат сигурни податоци за бројот на жртвите од најголемата катастрофа во историјата на нуклеарната енергија. Во 2005. година неколку агенции на Обединетите нации проценија дека од радијација загинале околу 4.000 лица, а според организацијата „Гринпис“ до тој момент загинале најмалку 100.000 луѓе во Украина, Белорусија и Русија од рак, оштетување на имунолошкиот систем, срцеви болести и други штетни влијанија од радијација.

Научниот комитет на ОН за влијанието на радијацијата УНСЦЕАР сепак призна само 31 смртен случај на вработени во централата и пожарникарите, кој се должи на директната радиолошка контаминација од Чернобил. Во извештајот од февруари 2011. година, Комитетот наведува уште 6.000 случаи на рак на тироидната жлезда, од кои 15 завршиле со смрт на деца кои консумирале радиоактивно млеко. За справување со радијацијата по експлозијата и расчистувањето на зоната околу реакторот Советскиот сојуз за четири години испратил 600.000 „ликвидатори“ кои биле изложени на високо ниво на радијација со минимална заштита. Нуклеарната централа „Чернобил“ беше конечно затворена во декември 2000. година по неколку инциденти.

На меѓународната донаторска конференција во Киев, на 19. април, беа собрани 550 милиони од вкупно 740 милиони евра потребни за изградба на нов саркофаг на остатоците од оштетениот реактор во Чернобил. Тој треба да биде готов до 2015. година. Инаку, во Украина во функција се наоѓаат четири нуклерани централи со вкупно 15 реактори.

Како да се зголеми безбедноста во нуклеарните електрани?

На 37-от самит на 8-те најразвиени земји на светот (Г8), што ќе се одржи кон крајот на мај во Довил,на северозапад на Франција, на 26. и 27. мај, Русија ќе предложи план за подобрување на безбедноста, изјави рускиот претседател Дмитриј Медведев:

„Во мај годинава Русија на самитот на Г8 ќе претстави конкретна иницијатива за зголемување на безбедноста на нуклеарните електрани. Таа ќе се однесува на зголемување на одговорноста на земјите кои користат нуклеарна енергија“. Медведев истакнал дека тие земји, меѓу другото, би требало да имаат обврска на нуклеарните хаварии да реагираат благовремено и ефикасно, а Русија смета дека се потребни дополнителни мерки на безбедност во изградбата и одржувањето на нуклеарките.

Правилата би требало да се дефинираат во меѓународни законски документи и да бидат обврзувачки за сите земји. Медведев потенцирал дека за нивното спроведување би требало да бидат задолжени меѓународни организации, вклучувајќи ја Меѓународната агенција за атомска енергија (IAEA).

Нуклеарната криза во Јапонија предизвика загриженост во целиот свет кога станува збор за одржливоста на нуклеарната енергија, а одделни земји спроведоа контрола на своите атомски постројки.

Пред една недела, на меѓународната донаторска конференција во Киев под назив „25 години чернобилска катастрофа. Безбедност на иднината“, генералниот секретар на ОН Бан Ки-мун изјави дека атомската енергија е чиста, но се појавува прашањето дали се правиме правилно. Безбедноста во атомската енергетика е најголем приоритет „за во иднина да не се допуштат радиоактивни облаци над планетата“.

Бан смета дека трагедиите на чернобилската централа и јапонската „Фукушима“ треба да го свртат вниманието на општеството кон неопходноста од ревизија на стадардите на нуклеарната безбедност и јакнење на заштитата на нуклеарните објекти и сите нови технологии во таа област.

Месечината, најголемиот природен сателит на Земјата, ќе биде  најблиску во последните 19 години. Таа вечер ќе биде посјајна од вообичаено, зашто според астрономите влегува во „лунарен перигеј“.

Овој феномен ќе може да се посматра со голо око, а околу 20 часот Месечината ќе биде толку блиску што ќе биде можно да се гледааат нејзините планини и кратери.
Сосема е очекувано прашањето, за некои многу повеќе стравувањ, дали оваа голема близина ќе има влијание врз нашето однесување, но пред се дали тн. „супермесечина“ ќе предизвика промена на климата на Земјата, земјотреси и вулкански активности. Некои научници одговараат потврдно.

Имено, познато е дека на својата патека Месечината има и најблиска и најоддалечена точка од Земјата бидејќи околу неа се врти по елипса, а не по круг. Следствено, она за што може со сигурност да се зборува е дека таа има гравитационо влијание врз нашата планета, врз океаните, а тоа значи влијание врз плимата и осеката кое, се разбира, е поизразено кога е таа поблиску.

Се уште не се научно потврдени тврдењата дека полна Месечина има силно влијание врз однесувањето на луѓето, кое се нарекува „лунарен ефект“. Но сепак, се предупредува дека во однос на здравјето одредена врска може да постои. Месечевите мени можат да влијаат пред се врз лицата кои имаат лабилен крвен притисок и оние кои потешко се опоравуваат од болести. Вечер може да се очекува промена на расположението, но положбата на Месечината не предизвикува некоја конкретна болест. Интересно е дека некои нутриционисти тврдат оти познатата диета која ги следи месечевите мени главно дава добри ефекти, иако медицината тоа се уште не може да го објасни. Единствено е потврдено дека Месечината сигурно влијае врз метаболизмот, па е можно денеска да има засилени ефекти, односно таа диета да биде поделотворна.

Многу поважно е верувањето на некои стручњаци дека близината на Месечината предизвикува природни катастрофи. Тие потсетуваат дека месечевите перигеи во 1955., 1974., 1992. и 2005. година се поклопиле со екстремни невремиња. На пример, пред 6 години во цунамито во Индонезија загинаа стотици илјади луѓе, а во 1974. циклонот Трејси го разурна австралискиот град Дарвијн. Но засега не постојат докази дека нејзиното елипсоидно кружење околу Земјата на кој било начин може да предизвика катастрофи.

Астрономи тврдат дека нема да има ниту земјотреси, ниту ерупции на вулкани, освен ако до нив и онака требало да дојде. Според Пит Вилер, од Меѓународниот центар за радио астрономија, на Земјата единствено ќе дојде до нешто пониска осека и нешто повисока плима, но ништо поради што треба да се возбудуваме.

Инаку, Месечината е нормално оддалечена од Земјата 378.195 километри. Во текот на лунарниот перигеј ќе може да се гледа со голо око затоа што ќе се најде на околу 356.577 километри од Земјата, а најголемата оддалеченост е 399.116 километри. Во текот на перигејот таа може да изгледа 14% поголема и 30% поосветлена отколку што изгледа „нормално“ во (романтична) ноќ на полна Месечина.

Таа тешко може да се брани како вреднувачка, зашто остануваат настрана многу други „елементи“ на филмската уметност без кои е незамисливо нејзиното создавање, а од друга страна е се поголема дискрепанцијата помеѓу номинирањето и наградувањето.

Големи забелешки се упатуваат и на славеништвото, сјајот или, најпрецизно, церемонијалот на доделување на Оскарите. Тој е до таа мера здодевен што се чини дека му нема спас, и покрај очигледните обиди на организаторите нешто да „спасат“.

Годинашнава манифестација многумина ја оценуваат како најздодевна, која заврши со предвидливи награди. Младите водители, Ен Хатавеј и Џејмс Франко, очигледно биле избрани само за да привлечат помлади гледачи, а не оти се искусни во водење на големи приредби или се брзи на јазик.

За оние што не гледаа на ТВ:

Се започна со еден од скечевите на кои луѓе им се смеат само од пристојност, а врв на вечерта веројатно беше моментот кога на сцената како презентер се појави легендарниот водител на Оскарите, Били Кристал. Му се поклони не само Ен Хатавеј, туку станаа сите во халата веројатно, како што некои коментираа, прашувајќи се како би изгледала оваа церемонија да ја водеше тој духовит глумец.

Некој забележа дека ако една од добитничките ни малку дамски не опцу, ова доделување на Оскарите ќе се паметеше само според очекуваниот триумф на филмот „Кралски говор“.

Можеби „највпечатливото“: како еден од првите презентери, остарениот Кирк Даглас нешто мрмореше, одвај разбирливо, па беше тажно да се гледа, а предизвика смеење со толку големото одолговлекување со прогласувањето на добитничката. Оскарот за споредна улога и го врачи на Мелиса Лео која изјави: „ Кога ја гледав Кејт Винслет пред две години, ми изгледаше дека е тоа ебено лесно…“ По тој збор на „е“ ја покри устата, но веќе беше доцна- Америка доби нов „скандал“ со кој ќе се занимава извесно време.

„Дивиот“ глумец Кристијан Бејл се пошегува при заблагодарувањето дека нема да го употреби тој збор, кога веќе многу го користел порано (скандалот со бесниот испад), а добитникот на Оскар за сценарио Дејвид Сеидлер и се заблагодари на Кралицата оти нема да го фрли во зандана поради пцуењето во „Кралскиот говор“ и им го посвети Оксар на сите што пелтечат.

Овој филм ги освои и гласачите на Академијата, па доби 4 Оскари- за најдобар филм, режисер, оригинално сценарио и главен глумец. Интересно е дека ист број на мали кипови има и запоставениот „Почеток“, кој ги освои техничките награди- за фотографија, визуелни ефекти, монтажа и микс на звукот. Еден од најголемите фаворити за главни награди, „Социјална мрежа“, освои награда во неколку категории во кои тој филм беше супериорен- адаптирано сценарио, монтажа и музика.

Наградениот филм- историска драма на Том Хупер, беше номиниран во 12 категории. Тоа е приказна за монархот кој успева да го совлада пелтечењето со помош на неортодоксни методи на еден глумец кому тоа му станува животна улога. Извонредниот Колин Фирт беше фаворит од самиот почеток.

Немаше изненадување ниту во женската категорија. Оскар освои Натали Портман за улогата на параноична балерина во „Црниот лебед“ на Дарен Аронофски. Оскар за епизодна улога и во машка и во женска конкуренција отиде во рацете на глумци од спортската драма „Боксер“ на Дејвид О. Расел, Кристијан Бејл и Мелиса Лео.

Вториот голем фаворит освен „Кралски говор“, филмската приказна за настанувањето на Фејсбук, „Социјална мрежа“ на Дејвид Финчер, мораше да се задоволи со веќе спомнатите 4 технички награди, а најголем губитник на вечерта е авантуристичкиот вестерн на браќата Коен „Човекот наречен храброст“, со Џеф Бирџис во главна улога, кој и покрај 10-те номинации и извонредни критики си „замина“ со празни раце.

Оскарот за најдобар странски филм го доби данското остварување „Во подобриот свет“ на Сузана Бир, додека „Приказна за играчките 3“ е награден во категоријата најдобар анимиран филм, што е четврти Оскар на ред за студиото Пиксар. Симпатичниот филм доби и Оскар за најдобра оригинална песна. „Алиса во земјата на чудата“ на Тим Бартон, кој ја освои првата статуетка на вечерта за најдобра сценографија, освои и Оскар за најдобар костум, а психолошкиот, научно- фантастичниот трилер „Почеток“ на Кристофер Нолан доби 4 технички награди (за камера, монтажа на звукот, микс на звукот и визуелни ефекти).

Оскар во категороијата краток и документарен филм освоија „Strangers No More’“ на Карен Гудман и Кирк Сајмон, односно „Inside Job’“ на Чарлс Фергусон и Одри Марс.

Потсетување: наградата Оскар, во 24 катеогрии, се доделува од 1929. година, а во изминатите 83 години се забележани безброј „мали и големи нешта“. Еве еден мал избор на занимливости што го направиле новинари на Cinematical:

„Крал на Оскарите “ е „Господар на прстените: Враќањето на кралот“, кој освои 11 од 11 награди за кои беше номиниран. Помеѓу „100- настотните победници“ се и „Гиги“ и „Последниот кинески цар“ (9 од 9), како и „Се случи една ноќ“ (5 од 5).

Само 3 филма успеале да ги освојат сите 5 главни награди (за најдобар филм, режисер, сценарио, глумец и глумица): „Се случи една ноќ“, „Лет над кукавичкото гнездо“ и „Кога јагнињата ќе стивнат“.

Обично филмовите кои освојуваат Оскар за најдобар филм освојуваат и други Оскари. Пред 8 децении само „The Broadway Melody“ (1929.) и „Гранд Хотел“ (1932.) освоија Оскар за филм и ништо повеќе.

„Кабаре“ освои 8 од 10 номинации- но не доби Оскар за најдобар филм и адаптирано сценарио, зашто во обете категории победи „Кум“.

Помеѓу добитниците на 1 Оскар се и неколку големи „губитници“- „Бекет“ и „Џони Белинда“ освоија само 1 од 12 номинации, а „Кинески кварт“, „Господин Смит оди во Вашингтон“ и „Гордоста на Јенките“ 1 од 11 номинации.

Покојниот Џон Казар (Фредо Корлеоне од „Кум“) глумеше во само 5 долгометражни филмови, а сите биле номинирани за најдобар филм. „Ловец на елени“, „Кум“ и „Кум 2“ го добија својот главен Оскар, а „Прислушување“ и „Песјо попладне“ не. Казал никогаш не доби глумечка номинација.

Рекордерка според бројот на глумечки номинации е Мерил Стрип- вкупнол 16 номинации, и „само“ 2 Оскара- за „Крамер против Крамер“ и „Изборот на Софија“.

Композиторот Џон Вилијамс е номиниран 45 пати, а освои 5 златни статуетки, додека костимографката Едит Хед беше успешна во 8 од 35 номинации.

Најголем лузер: Кевин О`Конел! Тој е еден од најугледните миксери на звук, но нема освоено ниедна од вкупно 2о номинации.

Дали долгонајавуваната предупреда дека е „последен миг“ светот да стори нешто за натамошниот сопствен опстанок, за повторно враќање на климатската рамнотежа  веќе не важи? „Мигот“ помина, та катаклизмичките промени на климата, како нејзино возвраќање на ударот, веќе започнаа? Не е ли ова „почеток на крајот“?

Луѓето се загрижени,  се потешко се адаптираат на брзите промени, и тоа од час во час, имаат се поголеми здравствени проблеми. Зимава не била толку „необична“ со години, децении, а и есента не мина баш „најдобро“.

Што се однесува на нас, во Македонија, олку „вода“ не паметат ниту најстарите. Земјата веќе не ја прима, реките и езерата преполни, овде- онде се излеваат, а е реално стравувањето дека се можни поплави од поголеми размери, со непредвидливи последици.

И САД и Европа ги зафати снежно невреме. Вашингтон е парализиран, државите Вирџинија и Мериленд бараат помош. Агенциите јавуваат дека националната метеоролошка служба прогнозира оти бурата, наречена „снежно уништување“, ќе ја зголеми снежната покривка во североисточниот дел на САД за 36 сантиметри. Веќе има 91 сантиметар снег. Патиштата се блокирани, а некои се покриени со дебела ледена покривка.

Проблеми и низ цела Европа. Силни врнежи на снег, кои според метеоролозите ќе продолжат и во наредните недели.

Градовите низ Германија со недели се покриени со мраз и снег, а на некои места мразот е дебел и повеќе од 10 сантиметри. Снежните врнежи предизвикаа проблеми во Белгија, каде што се блокирани патишта во должина од 920 километри, што претставува рекорд во споредба со блокираните 520 километри во декември. Во северниот дел на Франција се блокирани неколку патни правци, а бројот на летови од парискиот аеродром „Шарл де Гол“ е намален за 20%. Со снежно невреме се зафатени Полска, Чешка, Шведска, Финска…

Изобилни снежни врнежи се забележани во Варшава, Познањ, Вроцлав и други делови на Полска. Во Чешка ситуацијата е најтешка во североисточните делови. Многу патишта се непроодни, а постојат проблеми во снабдувањето со електрична енергија. Невремето во Шведска се движи кон северот и западот. На југот од земјата многу возови доцнат или се откажани поради изобилен снег и силни ветришта. Во главниот град на Финска, Хелсинки, висината на снегот надмина 70 сантиметри, а метеоролозите најавуваат дека деновиве снег посилно ќе паѓа во областа на Балтичкото море.

Во Швајцарија се забележани голем број на сообраќајни незгоди оти патиштата се покриени со снег. Изобилни снежни врнежи повторно го пореметија автомобилскиот сообраќај во Белгија, Словенија и Унгарија. Бурата што ја зафати Италија донесе ветришта со јачина на ураган во североисточните делови на земјата, како и силни дождови и свлечишта на југот. Поради снегот во Велика Британија дојде до пореметување во авиопревозот. Во Франција многу летови се откажани.

И Балканот не остана „покус“. Со невреме се зафатени подрачја на Србија и Хрватска. Леден дожд и виулица со силен ветер го зафати Белград, а посебно Војводина. Во Хрватска снегот паѓа непрестано и го пореметува сообраќајот во средниот и северозападниот дел на земјата, Лика, Горски Котар и Славонија. Метеоролозите најавуваат дека и во наредните неколку дена ќе преовладува облачно време со снег. Се очекува температурата да падне и до минус 10 степени Целзикусови.

Треба да се потсетиме дека вакво невреме, не само во зимскиот период, ширум Европа, САД и други делови на светот се случуваше и во изминатите 3-4 години.

Во меѓувреме чувме и ваков идиотски „бисер“ на некои „изненадени“ ТВ новинари: „Скопскиот градоначалник Тодоровиќ вели дека Македонија излегла од економската криза?!“. Па, се разбира дека излегла, а влегла, како и целиот свет, во период на економско опоравување кое во различни земји ќе трае различно, во зависност од последиците. Ама кому да му се докажува?.

Мене лично најинтересна ми е „збунетоста“ на опозицијата кога „некој“ во светот ќе излезе со валидни оценки кои, ако не сосема, во голема мера ја демантираат. Тогаш е конфузна, смешна, се прави недоветна, молчи, премолчува.

Најнова шлаканица (не се забележува многу оти образите и се одамна вцрвенети од многуте досега) и е удрена од страна на еден меѓународен Интернет магазин, бостонски „Интернешнал ливинг“, кој традиционално прави мошне валидна (авторитетна) годишна листа на најдобри земји за живеење. Во листата за оваа-2010-та Македонија го зазема мошне солидното 59-то место, од вкупно 194 рангирани држави.

Се разбира, тоа воопшто не значи „пристојна живеачка“, туку само дека не е се така и толку „црно“ како што се обидуваат да презентираат опозиционите „експерти“.

Државите се рангираат според следниве 9 критериуми: трошоци на живот, култура и слободно време, економија, животна средина, слобода, здравство, инфраструктура, безбедност и климатски услови.

Од државите во регионот, со највисок квалитет на живот е Словенија на 27. место, по неа е Грција (28-ма), Хрватска е на 37-то, а Бугарија 44-та. По Македонија се Албанија и Босна и Херцеговина на 65-то односно 66-то (БиХ е оценета како една од најлошите во Европа), како и Турција на 72-то место.

Најдобри оценки Македонија има за климата, безбедноста (за која опозицијата тврди дека од ден на ден се влошува се повеќе) и животната средина, а најлоши за економијата и инфраструктурата.

Земја каде што најубаво се живее веќе 5-та година на ред е Франција, а по неа се Австралија, Швајцарија, Германија и Нов Зеланд. Во топ-10 се и Луксембург, САД, Белгија, Канада и Италија.

Најлоши за живеење се Авганистан, Чад, Судан, Јемен и Сомалија.

Меѓутоа, има нешто поинтересно, а на што никој не укажа, никој не (се) потсети. Имено, Програмата за развој на ОН исто така објавува годишна листа на земји чиј редослед укажува кои земји се најдобри, а кои најлоши за живот. И тоа пред се според животниот стандард, образованието и должината на животот на населението, поточно според тн. Индекс на развој на човештвото кој опфаќа и голем број на други податоци- од деловните можности до рамноправност на половите и присутноста на жените во политичкиот живот.Значи, се работи за горе- долу исти критериуми, но и поголем број од оние на магазинот.

На листата за 2009-та, од 182 земји најдобра беше Норвешка, а најлоша Нигер. Земјите во регионов го имаа следниот „редослед“: Бугарија 61-ва, Романија 63-та, Црна Гора 65-та, Србија 67-ма, Албанија 70-та, Македонија 72-ра и БиХ на 76-тото место. Грција беше рангирана на 25-тото, а Словенија на 29-тото место. Притоа е значајно да се забележи дека листата ја следеше предупредување оти е направена врз основа на Индексот на развојот на човештвото (HDI), пресметан главно од податоци собрани пред настанувањето на глобалната економска криза.

Двете листи не се „баш“ споредливи, ама сепак…

Опозицијата конечно мора да престане со „црните“ анализи, оценки и проценки („се е катастрофа“). Се разбира, доколку не сака и натаму да „излегува“ смешна и дилетантска.

Дали е „најточно“ објаснението дека Агџа е ментално пореметена личност која има убиствени пориви, со оглед дека претходно убил турски новинар? Ако е, тогаш не е ли опасно неговото ослободување (латентна опасност од нови убиства)?Ако, пак, не е ментално болен, зошто е држан в затвор 10 години, особено кога ќе се земе предвид дека во 2000-та година беше помилуван на барање од папата?

Како и да е, Мехмед Али Агџа ќе остане забележан и запаметен како човек кој најнапред пукал и тешко го ранил римо-католичкиот поглавар Јован Павле Втори (случајно не го уби), а потоа самиот свесно или несвесно, пресметано или непресметливо придонел обидот за атентат да остане нерасветлен до ден-денес. Сосема е разбиливо интересирањето од Холивуд да се сними филм според неговата приказна, а за што е понуден договор во висина од 8 милиони, со сигурен профит од десетици,па и стотици милиони долари.

Агџа е денеска ослободен од турскиот затвор Синџан. Во изминатите одлежани 10 години повеќе пати беше доведувано, а и сега се доведува во прашање неговото ментално здравје. Тој тврди дека е месија и предвидува оти светот ќе биде уништен во овој век.

Веднаш по апсењето Агџа изјавуваше дека дејствувал сам, а подоцна тврдеше дека организатори на атентатот биле бугарската и руската тајна служба. Потоа ги повлече тие тврдења, а најавуваше дека откако ќе излезе од затвор ќе ја разоткрие мистеријата за мотивите и кој е нарачателот на атентатот.

Во 2000-та година на барање на папата беше помилуван и префрлен во Турција, каде што оттогаш издржуваше затворска казна поради убиство на турски новинар во 1979-та година и за други злосторства.

При излегувањето од затворот Мехмед Агџа изјави дека планира да го посети гробот на Јован Павле Втори во Ватикан, „еден од најпрекрасните и почитувани луѓе на векот“, и да се сретне со папата Бенедикт 16-ти.

Интересно, иако самиот терорист-убиец-атентатор, тој ги осуди тероризмот, Ал Каеда и нејзиниот водач, а сака лично да оди во Авганистан и да го убие Осама Бин  Ладен:

„Тероризмот е ѓаволско зло. Сите религии го забрануваат и осудуваат. Ал Каеда е криминална, психопатска, нацистичка организација“.

Планира да живее во Истанбул, а се уште не решил дали ќе се жени.

Во врска со интересот на Холивуд, адвокатот на Агџа соопшти дека неговиот клиент не потпишал договор со ниту една компанија, но најави оти планира со американскиот писател Ден Браун да напише продолжение на романот „Кодот на Да Винчи“ под наслов „Кодот на Ватикан“, па потоа книгата да биде екранизирана.

Дали со денешното ослободување Мехмед Али Агџа ќе биде заборавен или тој самиот ќе се потруди тоа да не му се „случи“?

Од денешните настани во светот издвоив неколку такви: во Хелсинки (Финска) еден воз удрил во хотел, во Шпанија се откриени 100 килограми кокаин во продавница во пакети со банани, во Прага некој (се уште не е откриен) гаѓа автобуси со непознат предмет, а во Дубаи е свечено отворена највисоката зграда на светот.

На централната железничка станица во финскиот главен град Хелсинки брз воз удрил во ѕид на хотел кој се наоѓа непосредно до пругата, а тоа предизвикало големо нарушување на железничкиот сообраќај. Најверојатно станува збор за дефект на системот на запирање. Агенциите јавија дека во моментот на несреќата немало други патници освен персоналот, а е полесно повредено едно лице.

Возот навлегол отприлика десетина метри во зградата на хотелот, по што сите гости биле евакуирани поради ризик од уривање;

Мошне необично, можеби се случи првпат: во повеќе маркети ширум Шпанија се откриени над 100 килограми кокаин скриени во пакети со банани!

Според полицијата, шверцерите направиле грешка, а властите во Мадрид претпоставуваат дека пакетите требало да бидат подигнати од пристаништето Сагунто во Валенсија, но тоа не се случило.

Најголемата количина од пратката- речиси 25 килограми кокаин се пронајдени во еден од супермаркетите на познатиот синџир маркети на „Лидл“ во Мадрид.

Инаку, ова е втора по ред заплена на наркотици во последните две недели во шпанскиот главен град. Пред десетина дена беше откриена поголема количина на наркотици во еден авион што пристигна од Колумбија, скриени во палети со цвеќе;

Во Прага- Чешка засега непознат сторител со некаков предмет гаѓал и оштетил два автобуса во една населба во северниот дел на градот. Повредени нема, а случајот во полиција го пријавил диспечер на јавното транспортно претпријатие откако биле забележани дупки во стаклата.

Според портпаролот на прашката полиција, екипа на крим-техничари на местото на настанот не нашла никакви докази и не може со сигурност да се каже дали нападите биле извршени со огнено оружје или со некој вид рачно направен чатал.

Интересно е дека и на почетокот од декември минатата година прашката полиција информира за сличен инцидент во истата улица, кога во движење бил нападнат автобус. Меѓутоа,  и тогаш не е откриено со каков предмет било оштетено стаклото на кое имало две дупки со големина од 8 милиметри;

Во Дубаи е официјално отворена зградата „Бурж Дубаи“, највисоката зграда на светот. Организиран е величенствен огномет во присуство на 6.000 гости, а отворањето доаѓа во момент кога емиратот се соочува со јавен долг поголем од 100 милијарди долари.

Според аналитичарите, „Бурж Дубаи“ би можел да биде последниот од „фараонските кули“. Шеикот Мохамед бин Рашид Ал Мактум, 60-годишен владетел на градот-држава, се надева оти оваа градба со придружните објекти, за што се потрошени над 20 милијарди долари, ќе му помогне на Дубаи да ја врати репутацијата меѓу меѓународните инвеститори и имиџот на моќен финансиски центар.

Најголемата кула на светот, гигант од челик и стакло висок над 800 метри, има 200 ката, од кои 160 се наменети за живеење и деловен простор, а од се 90% е веќе продадено. Во нејзиниот состав се наоѓаат над 1.000 станови, како и луксузниот хотел „Армани“ со спа центар и повеќе ресторани кои ќе бидат отворени во март годинава.

Архитектонското чудо има и 4 базени, највисок ресторан на светот сместен на 122-от кат, како и паркинг со над 3.000 места.

Кулата, за чија изградба се потрошени 330.000 кубни метри бетон и 31.400 тони железни шипки, се гледа на оддалеченост од дури 95 километри.

Со своите над 800 метри, „Бурж Дубаи“ за неколку стотини метри го надминува досега највисокиот облакодер на светот, тајванскиот „Тајпеј 101“, кој е висок 508 метри. Освен што е највисок изграден објект на светот, „Бурж Дубаи“ е и зграда со најмногу катови, а нејзината платформа за панорамско разгледување на околината се наоѓа на 124-от кат, со што станува панорама на најголема височина на светот.