Многумина со посебно внимание, па и респект слушаат, дослушуваат, следат и анализираат се што ќе поткаже и докаже министерката за надворешни работи на Данајската Република (за други позната како Грција), Дора Бакојани. Веројатно импресионирани од нејзината „големина“ (како министерка на „голема“ земја), но и од нејзиниот шарм и убавина (првото повеќе од второто- премногу е, брате, крупна, па и некако нападна, мажествена). А мене лично ми се се позабавни, смешни, неретко и инфантилни нејзините изјави и пораки. Се разбира, пред се оние упатени до македонската „страна“. (За друго многу и не слушам и не читам од неа, а сум забележал дека во друштво со „големоевропските“ е прилично молчалива, повлечена, ми изгледа поприлично инфериорна.)

(повеќе..)

Во интервју за „Франс 24“, грузискиот претседател Михаил Саакашвили ја обвини Русија дека го лаже светот оти ја повлекува војската од Грузија:

„Русите се обидуваат да го измамат светот. Тие тврдат дека се придржуваат на ветувањето дадено на Никола Саркози, но всушност не се повлекуваат од големите градски реони како Гори, туку се прегрупираат на стратешки места“.

Тој наведе дека целта на руската војска е „да ги контролираат влезните точки за да продолжат да ни ја уриваат земјата“.

(повеќе..)

Никола Груевски доби одговор од Генералниот секретар на Обединетите нации Бан Ки-Мун. Се разбира, дипломатски односно внимавајќи ниту со запирка да се прочита, а уште помалку да се навести поддршка и негова „конкретна определба“. Впрочем, не можеше ни да се очекува нешто друго, а и целта на Груевски сигурно не беше тоа.

(повеќе..)

Токму кога длабоко се загрижив дека СДСМ е во нокаут (нок-аут: од англиските зборови knock- удар и out- угасен, исфрлен од игра), односно дека од ударите на противникот (ВМРО-ДПМНЕ) тој е паднат, изнемоштен и веќе му се одбројува 10-тата (политичка) секунда, а не може да се крене и да ја продолжи битката, уште повеќе ме онерасположи, просто ме дотепа, ми го уништи и оној мал оптимизам оти сепак “битката е изгубена, ама борбата се уште не“, Г-нот Никола Поповски, поранешен висок функционер на СДСМ (сега не знам ниту дали е низок). (повеќе..)

Македонскиот министер за надворешни работи Антонио Милошоски даде интервју за грчкиот весник „Елефтеротипија“, во кое прецизно и јасно, со многу аргументи и факти, одговара на низа провокативни прашања, а кои читателите на весникот ги остава во многу недоумици и дилеми. Сигурно кај многумина ќе помогнат и за промена на досегашните наци-фашистички ставови, континуирано наметнувани од  нивните  политичари  и  владетели.

Избирам само неколку прашања и одговори:

(повеќе..)

Според владејачката ВМРО-ДПМНЕ, одредбите од донесениот Законот за употреба на јазиците се во согласност со Уставот, Рамковниот договор и принципите на ВМРО-ДПМНЕ. Тој не предвидува употреба на албанскиот јазик како втор службен јазик на целата територија на РМ.

Прифатено е претседателите на собраниските комисии од редот на Албанците да претседаваат на албански јазик, а во Собранието пратениците Албанци можат да ги добиваат законите и другите материјали, освен на македонски, и на албански јазик. Новина во законот е во единиците на локалната самоуправа граѓаните што се над 20% да можат од подрачните единици на министерствата да добијат одговор, освен на македонски, и на нивниот мајчин јазик.

(повеќе..)

Токму така, по најавата за привршување на „размислувањето“ дали ќе се кандидира или не на следните претседателски избори во Македонија (се „работеше“ за 1%), тој го потврди она што никого не изненадува. Всушност, станува збор за изнудена, единствено логична и последична одлука.

Во интервју за весникот „Дневник“ Бранко Црвенковски изјавува дека донел конечна одлука да не се кандидира за уште еден претседателски мандат, на изборите што ќе се одржат на пролет идната година. Како главна причина ги наведува потешкотиите во соработката со Груевски, кој по последните избори си обезбеди нов 4- годишен мандат. (повеќе..)

Генералниот секретар на НАТО, Јап де Хоп Шефер, се поотворено се става на страната на Атина, што не е ништо друго освен слабост- подлегнување на притисок, но секако и интерес (поширок- „натовски“, а можеби и личен). Се забележува и негово нервозно реагирање кога треба да кажува или објаснува за консензусот во Алијансата, а всушност условувањето на една земја- членка која според стандардите и не е баш „натовска“.

Од друга страна, еден достоинствен и реален односно неутрален Господин- Ерик Мајер, кој има мошне важна улога кога е збор за Република Македонија, искажа мудрост која би требало да биде вистинска лекција за Шефер и таквите како него. А и удри и жешка шлаканица на Атина нарекувајќи ги нејзините барања она што се: глупост. (повеќе..)

Амбасадорите на земјите- членки на НАТО во седиштето на Алијансата во Брисел ги потпишаа протоколите за приклучување на Хрватска и Албанија кон Северноатлантскиот сојуз.

„Ова е историско достигнување, не само за двете земји, туку и за целата Европска заедница, бидејќи Албанија и Хрватска се наоѓаат во регионот каде што настана првиот голем конфликт на европско тло по Втората светска војна. Додека продолжува процесот на ратификација на протоколите во земјите-членки на НАТО, очекуваме Албанија и Хрватска да продолжат со реформите на енергичен начин“, изјави генералниот секретар на НАТО, Јап де Хоп Шефер.

(повеќе..)

Во близина на бугарската престолнина Софија одекнаа силни експлозии. Детонациите се случиле во воен магацин за уништување на муниција во селото Челопечене. Беа силни и по секоја од нив во воздухот се појавувал бел или сивокафеав облак, можеа да се слушнат на неколку километри.

(повеќе..)

Новата институционална криза, предизвикана со неприфаќањето на Лисабонскиот договор од страна на Ирска, се наметна како едно од главните прашања со кои ќе мора Франција да се справи за време на 6-месечното претседателствување. Од друга страна, таа смета на сигурен успех во другите клучни области. (повеќе..)

Очекувано, на премиерот Никола Груевски граѓаните, но и организицаии, институции, компании деновиве му поставуваат бројни горливи прашања и му испорачуваат предлози, потреби, барања. Најмногу од сите нив се однесуваат на економската состојба во Македонија, а сиромаштијата, стандардот, вработувањето и бизнис климата се издвојуваат како приоритетни.

Особено внимание предизвика Меморандумот на Европската бизнис асоцијација на Македонија со 30 активности кои ги смета за најважни- „топ“, а едновремено и се нудат искуствата на нејзините членки. (повеќе..)

„Моите реакции во интервјуто беа принципиелни и мотивирани од интересите на државата и граѓаните. Искрено жалам ако повредив чувства на оние во оваа професија кои  професионално ја вршат својата работа и се вистински репрезенти на слободното и професионално новинарство. Жалам што ги повредив чувствата и на оние на кои се однесуваше мојата изјава, малкумина, кои се надевам дека моите забелешки ќе ги прифатат најдобронамерно и во функција на заедничките цели” – вели мандатарот во писмената изјава.

(повеќе..)

(23.06.2008.)

За нас е изненадувачки, необично, дури неприфатливо („ниту на крајот од малиот мозок“) да се биде против ЕУ. (Види објавен мој прилог на оваа тема на овој сајт.) Во сиот изминат транзиционен период, од почетокот на независноста на Република Македонија па до денес, нема да прочитате- слушнете ниту збор од наш политичар за друга, освен за евро- атлантска интеграција, дури „по секоја цена“.

Постои општ консензус за неа? А кој го спровел? Што е со тн. духовно обединување (неспорно за ниеден народ во светот), односно опфаќање и на огромен број на Македонци во земји надвор од ЕУ кои, пак, не ни помислуваат, ниту имаат шанса да се „интегрираат“ во неа?

Да, мислам на македонизмот, со него во ЕУ, и тоа единствено како потврда на „единството на различностите“, што е главен европски „принцип“ на интеграција односно обединување.

(повеќе..)

Пласманот на Светското првенство и триумфалниот крај на двомечот со Исланд се уште најдобрите македонски ракометари го споделуваат со целокупната (не само спортската) јавност во Република Македонија. Се работи за најголем успех досега на македонскиот спорт воопшто.

(повеќе..)