За неверување и смеење: услов на Македонија за во ЕУ и кариесот
Не е за верување, многу е смешно, ама кога е во прашање добивањето на датум на Република Македонија за почеток на преговори за членство во ЕУ (внимавајте, не за датум за членство, макар тој бил и по 10-15 години) веќе ништо не може да изненади и да не биде „нормално“: дури и проблемот на кариесот, пред се кај децата. Некои медиуми посочија дека тоа е веќе еден од условите, иако за волја на вистината, но со не мала „доза“ на сомнеж, со кратко соопштение тоа беше демантирано. „Дозата“ барем кај мене се зголемува откако на одбележувањето на Светскиот ден на оралното здравје Министерството за здравство објави дека состојбата е алармантна, што сигурно во Брисел, посебно кај Оли Рен, не останало незабележано. Сепак, загриженоста (и личната и колективната, поточно на власта) е или би требало да биде многу поголема на внатрешен „план“. (повеќе..)
Некои го сметаат за контроверзен, некои за живописен, атрактивен, некои го нарекуваат популист, херој, но сите се согласуваат дека Хуго Чавез е „нестандарден“, односно надвор од „рамките“ во кои сме навикнале да ги гледаме светските лидери. Дали за Венецуела е „соодветен“ претседател?
Зарем е можно? Неверојатно! Незамисливо!
Да, секаде се случува и може да се случи; во Европа, во светот. Но, не паметам некаде да се случило вакво масовно труење со слатки, освен како непријателско дејание против поширока заедница или народ кое, патем, се нарекува геноцид. Се разбира, не е тоа (бидејќи би морале да се случат многу други „нешта“, меѓу другото поточно првото меѓународна хумана, па и воена акција), туку ете така, се случи…епидемија на труење во Македонија со колачи (еклери), за среќа без жртви!
По Олимпијадата, во кинеската престолнина Пекинг е во тек уште една елитна спортска манифестација. 13-тата Параолимпијада беше отворена во саботата (06.09.) со уште една церемонија на стадионот „Птичјо гнездо“.
ЕУ и нејзиниот „истопорен“ претставник пред Република Македонија веќе не знаат што да прават, како да се однесуваат, како да „ескивираат“, да се „покријат“, да ја „прикријат“ очигледната зависна и понижувачка позиција пред „силниот“ сојузник Грција (најсиромашна членка). Затоа што и на најголемиот лаик му е јасно дека условите што и ги поставуваат на земјава веќе стануваат обични политикантски небулози, нешто што не можат ни самите да го објаснат. Освен со она што не смеат отворено да го кажат: не може да се даде датум за почеток на преговори со Македонија за членство во Унијата, без оглед што нема земја на која и биле поставувани такви (пред)услови а таа да ги исполнила (или ги исполнува и ќе ги исполнува во континуитет, како многу други стари и нови членки), се додека не се задоволи Данајската Република (уште ја нарекувате Грција?): Македонија да се преименува со име што нејзе ќе и одговара, се разбира „топтан“ со идентитетот, минатото, достоинството…А замислете, на средбата не се разговарало за спорот со името!
Словенечкиот премиер Јанез Јанша е еден од главните актери во евро- словенечкиот мега скандал (не само словенечки и не само поради учество на „меѓународни“ актери) во врска со набавката на оружје за словенечката армија. Наводоно, од фирма во Финска тој за реализација на таа зделка зел провизија од 20-ина милиони евра!
Не поминаа ниту 24 часа од гаснењето и ставањето под контрола на речиси сите пожари во земјава благодарение на долгоочекуваниот дожд, а нов, најголем пожар летово, со мошне загрижувачки размери, изби кај Нов Дојран. Овојпат не станува збор ниту за природна стихија (високи температури), ниту за намерно подметнување, иако пак е во прашање човечки фактор.
Ураганот „Густав“, кој најнапред како тропска бура удри на Хаити и Доминиканската Република и однесе 85 животи, вчера (сабота-30-ти август) пристигна како ураган (четврта категорија) до кубанскиот Остров на младоста со ветришта кои дуваа со брзина од 230 км на час. Во својот налет на Куба оштети повеќе од 100.000 куќи, 370 училишта и стотици километри електрични и телефонски водови. Евакуирани се 467.000 луѓе, но никој не го загуби животот.
Некои колеги- новинари се навистина непристојни, да не речам некултурни, да речам дури безобразни. Не научиле нешто од основната „новинарска“ практика (или беше етика?): не будете го со своите „чепкања“ оној што спие во функционерска фотелја, не му го вознемирувајте сонот. Самиот ќе се разбуди. Ако не порано, тогаш сигурно на последниот ден од мандатот. За да не биде избркан од неа, туку „достоинствено“ да си замине.
Православните христијани го слават големиот празник Успение на Пресвета Богородица, помеѓу народот познат и како Голема Богородица. Тоа е еден од 12-те најголеми христијански празници и е посветен на денот кога таа прешла од земскиот во небесниот свет.
Бројот на жртви од тешката авионска несреќа на аеродромот во Мадрид се искачи на 154, откако една од патничките им подлегна на здобиените повреди, а во Киргистан се случи нова со исто така голем број на загинати- засега 68-мина. Преживеале 22-ца.
Во катедралната црква св. Софија во Охрид свечено е затворено 48-то издание на фестивалот Охридско лето. Концерт одржа светски познатата виолинистка, Американката Сара Чанг, која настапи заедно со Камерниот оркестар на Словенечката филхармонија.
Во касарната „Илинден“ во Скопје денеска свечено беше одбележан Денот на Армијата на Македонија.
