Неуспешна приоритетна приказна
Приоритет: првенство, предимство, првенствено право; старешинство, првенство со оглед на времето на староста.
“Приоритет над приоритетите“: можен ли е, што значи, што би требало да биде? Не е ли тоа само една од многубројните политички флоскули, небули за домашна употреба?
„Приоритет над приоритетите“ на Република Македонија: евро- атлантска интеграција. Значи има и други? Кои се тие?
Имајќи го предвид основното, „речничкото“ значење на приоритетот, нема и не може да има повеќе, множество на приоритети, туку само еден. Оние што имаат повеќе, ги поставиле, ги поставуваат, за кои бараат доверба и „сеопшта“ мобилизација, очигледно ги „измешале“ неештата: приоритетот е еден и единствен, а се друго е или може да претставува етапа, фаза, преоден период, пречки што треба да се совладаат за тој да се оствари, да се стаса до него (како цел).
Приоритет на Македонија: ЕВРОПЕИЗАЦИЈА! (повеќе..)
Ново предупредување од Европската комисија: глобалното затоплување би можело да му нанесе на светот покатастрофални штети отколку што беше досега проценувано.
Неретко ми се случува(ло) да прогнозирам- предвидам настани и случувања кај нас и во светот, и тоа до најситниот детал. Тоа отсекогаш сум го сметал и го сметам како резултат на континуирано следење, логично промислување, скромен „капацитет“ за антиципација, а никако не како некаква посебна дарба дадена од Бога. Особено затоа што сум „погодувал“ како „deja vu“, односно случајно совпаѓање.
Што е „стандарден“ добрососедски однос помеѓу две држави? Политичарите веднаш ќе ви одговорат: кога помеѓу нив нема нерешени прашања и проблеми. Но ќе ги ставите во небрано ако им поставите додатно прашање: можете да наведете такви во овие балкански, јужноевропски, па и пшироки простори? Од друга страна, без никаков проблем, не чекајќи од нив, сами лесно можете да најдете бројни пример на „одлични“ односи помеѓу две несоседски земји, без нерешени прашања и проблеми.
По изминувањето на рокот кој Владата во Софија го имаше за да покаже конкретни резултати во борбара против корупцијата и организираниот криминал, ЕУ одлучи на Бугарија да и укине 220 милиони евра помош од претпристапните фондови на чие користење има право до 2013- та година, до кога би требало од Брисел да добие вкупно 11 милијарди евра помош.
Руската Државна дума денеска го одобри траењето на новиот мандат на шефот на државата на 6 години, наместо досегашните 5. За промените на Уставот гласаа 351 пратеник, додека против беа 57- мина.
Во највозбудливот спорт(?)- автомобилските трки во Формула 1, и покрај огромните суми на пари што се „вртат“ во и околу него, ништо однапред не може да се предвиди. Од едноставна причина: многу, а некогаш и се зависи од машината, од нејзините перформанси, нејзината издржливост.
Точно пред една година на автопатот Загреб – Липковац, близу до гратчето Нова Градишка- Хрватска, во сообраќајна несреќа загина македонскиот поп пејач, еден од најдобрите на светот на сите времиња, Тоше Проевски. Веста беше шокантна за сите, а особено за младите во земјава на кои им беше не само музички идол. На плоштадот „Македонија“ во Скопје, во неговиот роден град Крушево, во цела Македонија, Хрватска, Балканот, во целиот свет телевизиите ги прекинуваа своите програми со вонредни вести, со веста за смртта на 26-годишниот пејач и хуманист.
Скопје европска престолникна на културата? Ниту на сон! Барем по 10 години? Ма, како што е сега, она што е денес, а нема шанса да биде подобро утре со сегашнава политичка и општинско- градоначалничка гарнитура, ни по 100!
Веќе искажав став дека писмата што премиерот Никола Груевски ги испрати до европски и светски релевантни институции и политички личности, а со кои се актуелизираа проблемите на македонското малцинство во Грција, сигурно (ќе) имаат позитивен ефект. (Ги почитувам и во најголем дел ги споделувам ставовите на Проф. Билјана Ванковска во нејзиниот текст „Компетенциите на Баросо и ЕК“.) Без оглед што во меѓувреме некои , исплашени од сериозноста на проблемот за кој знаат одамна (како на пример претседателот на Европската комисија Жозе Мануел Баросо), се прогласија за ненадлежни односно одговорија дипломатски, штитејќи го својот сојузник.
Во седиштето на светската организација во Њујорк почна 63-тото заседание на Генералното собрание. Тоа е главниот советодавен орган на ОН, а се состои од претставници на сите држави- членки. На првото заседание во 1946-та година биле 51 држава, а денес се 192.
Она што се случи со продажбата на затруено млеко, кое предизвика смрт на (засега) четири бебиња во Кина, не може да се оквалификува никако поинаку, освен како досега нечуено, невидено и неразбирливо злосторство. Кое сигурно ќе биде жестоко казнето бидејќи е пред се директен удар врз етиката, моралот, достоинството, врз хуманоста на кинеското општество. Злосторството е дотолку поголемо оти лекарите во Кина досега лечеле околу 53.000 деца, од кои речиси 13.000 се уште се наоѓаат в болница. Загриженост постои и во други земји, кои млеко во прав увезуваат од Кина, па е голема веројатноста да увезле и со отровниот меламин.
Мистериозната смрт на клучниот сведок во случајот на големата експлозија во Грдец, Албанија, воопшто не го изненадува оној што ги следел во минатото и ги следи во сегашноста судбините на клучните сведоци на Балканот и пошироко, во регионот. Поточно насекаде каде што се случуваат политичко- криминогени процеси и случувања. Тој ретко се изненадува кога нема да се успее трагите да бидат „завеани“, сведоците да останат живи, можеби и здрави, и да ја реализираат својата „херојска“ улога. Доволно е да потсетам на ликвидираните сведоци (сите до еден) против косовскиот „недокажан“ злосторник Рамуш Харадинај, па да нема потреба од никакво дообјаснување.
