Наспроти „црните прогнози“ на македонската опозиција, што ги слушаме во континуитет, македонската економија очигледно почнува полека да се опоравува од последиците на светската економска криза. Тоа го потврди (призна) и НБРМ со уште едно намалување на референтната стапка. А што сигурно ќе ги натера банките да ги намалат каматите на кредитите.

НБРМ информира дека проекциите покажуваат подобрување на економскиот амбиент во 2010-та година. Станува збор за благо излегување од економската криза, односно од рецесијата. Поволни се прогнозите за економските движења во светот, а тие не можат да бидат драматично поинакви во Република Македонија.

На девизниот пазар и натаму ќе се интервенира со откуп на девизи. На тој начин за една година е остварен раст на бруто девизните резерви од 100 милиони.

Новата референтна каматна стапка изнесува 8%.

И покрај тоа што се работи за различни ставови, што е нормално, некои медиуми тоа го третираат како „тивка војна“ (посакувана?) помеѓу Владата и монетарната власта, а која „продолжува и годинава“.

Изјава- оценка на министерот за финансии Зоран Ставрески:

„Од сите аспекти гледано, оптимален период кога требаше да реагира посериозно Централната банка беше некаде третиот квартал од годината.. За жал тоа не се случи и тоа ја пролонгира рецесијата во Македонија, што не чини повеќе изгубени работни места и подлабок пад на БДП“.

Реакција- коментар на гувернерот Петар Гошев:

„Ние имаме голем удел во одржувањето на финансиската стабилност, преку одржувањето на стабилноста на девизниот курс, и немаме потреба од дневно-политички изјави. Ние си ја вршиме нашата работа. Кој какви потреби и оценки има и врз основа на што ги мотивира, тоа е негова работа“.

Различни ставови и оценки- проценки се „тивка војна“? „Опозиционерски“, а всушност инфантилно, па и смешно.