Македонски туризам: со години исто, нема разлика ниту во „нијансите“
Како секоја, и оваа година пред почетокот не летната сезона се најавуваше туристички„бум“. Дека конечно македонскиот туризам ќе „скокне“, дека се очекува богата туристичка „жетва“, без оглед што навреме беа „прочитани“ сигналите и најавите за слаба посетеност на странски туристи на нашите главни туристички дестинации. Затоа, пак, е тука домашниот турист кој ќе навали оти нема каде (пред се поради (п)одбивањето на јужниот сосед на македонски граѓани; другите „мориња“ за Македонците се „традиционално“ далеку).
Не поминаа ниту 24 часа од гаснењето и ставањето под контрола на речиси сите пожари во земјава благодарение на долгоочекуваниот дожд, а нов, најголем пожар летово, со мошне загрижувачки размери, изби кај Нов Дојран. Овојпат не станува збор ниту за природна стихија (високи температури), ниту за намерно подметнување, иако пак е во прашање човечки фактор.
Неверојатно и несфатливо е актуелната власт, пред се Владата односно кое било ресорно министерство, а потоа и Парламентот (без оглед на немоќната и маргинална опозиција) да донесат- донесуваат закони или измени на закони кои не се хармонизирани со европските, кога се знае дека е тоа една од првите обврски од Договорот за стабилизација и асоцијација помеѓу Република Македонија и ЕУ, услов за интеграција во европската заедница. Дури и пречеше постојаното потенцирање (во последно време тоа е поретко) дека претходно „законот е испратен на експертиза во Брисел“. Како да е сиот „експертски ум“, за секоја област, собран таму.
Пред некој ден (26.08.) Русија ги обвини Македонија, Албанија и другите балкански земји дека и продавале оружје на Грузија. Рускиот генерал Анатолиј Ноговицкин, шеф на Генералштабот на руската армија, на прес конференција во Москва ги обвини сите балкански земји, како и оние од источна Европа, дека го снабдувале Тбилиси со оружје. Освен спомнатите, тој ги именува Бугарија, Украина, Србија и Унгарија.
Ураганот „Густав“, кој најнапред како тропска бура удри на Хаити и Доминиканската Република и однесе 85 животи, вчера (сабота-30-ти август) пристигна како ураган (четврта категорија) до кубанскиот Остров на младоста со ветришта кои дуваа со брзина од 230 км на час. Во својот налет на Куба оштети повеќе од 100.000 куќи, 370 училишта и стотици километри електрични и телефонски водови. Евакуирани се 467.000 луѓе, но никој не го загуби животот.
Како што се очекуваше, фудбалерот на Манчестер Јунајтед Кристијано Роналдо е избран за најдобар во Лигата на шампионите за 2007/2008-ма година. Португалецот е исто така избран и за најдобар напаѓач.
Некои колеги- новинари се навистина непристојни, да не речам некултурни, да речам дури безобразни. Не научиле нешто од основната „новинарска“ практика (или беше етика?): не будете го со своите „чепкања“ оној што спие во функционерска фотелја, не му го вознемирувајте сонот. Самиот ќе се разбуди. Ако не порано, тогаш сигурно на последниот ден од мандатот. За да не биде избркан од неа, туку „достоинствено“ да си замине.
Наместо колку- толку да се корегира, што значи да ги пренасочи своите активности во „конструктивна“ насока, раководството на Федерацијата на фармери продолжува со своите нелогични и штетни потези и активности. Членството би морало што поскоро да се „позанимава“ со него, да испита и открие од кого е „диригирано“, да побара конкретна одговорност за штетите што им ги нанесе на големите- крупните индивидуални млекопроизводители и да го смени.
Од еврозоната се почесто и се повеќе пристигнуваат мошне загрижувачки вести за економските движења: големи надворешни неповолни влијанија, неизвесности околу траењето и конечната цена на превирањата на финансиските пазари, слабеење на американската економија и пораст на цените на стоките. Дефинитивно, и покрај цврстите економски темели, еврозоната почнува да го чувствува влијанието на светската криза.
Премиерот на Русија Владимир Путин во две интервјуа изјави дека е сигурен оти брзо ќе се докаже која страна е виновна во конфликтот помеѓу Русија и Грузија. Веќе почна да се докажува: тоа е Грузија.
Без оглед што е партиска прозивка барањето на ВМРО-ДПМНЕ претседателот на државата Бранко Црвенковски прецизно да одговори какви се неговите позиции во врска со спорот со Грција за името и со каков план има намера да го реши, тој би морал пред се на граѓаните да им објасни какво решение има „в раце“ за наметнатиот проблем на Атина во врска со уставното име на државава. Ако не поради друго, тогаш сигурно поради личниот дигнитет и политичкиот – државничкиот кредибилитет. Да го презентира јавно како би можеле стручњаци, експерти и јавноста да го анализираат, проценат, оценат, па ако е добро, „вистинско“, да добие најширока поддршка и сите заедно да се ангажираме за негово прифаќање на „другата страна“ (или беше „едната“?) односно на меѓународниот „фактор“. Се разбира, во името на што поскорешното евро- атлантско интегрирање на Република Македонија. Доколку тоа не го стори веднаш, денеска, утре, неговиот молк или „воздржаност“ не ќе може да биде протолкуван поинаку, освен како уште еден „политички гаф“, непромислен истап, уште едно од досегашни не(из)броени негови „лизгања“ на тенкиот претседателски „мраз“.
Постапно, но се уште не со посакуваната динамика (има објективни, но и субјективни причини за се уште неповолниот бизнис амбиент), Република Македонија добива на значење како привлечна бизнис дестинација, пред се за странски инвестиции. Она што се знаеше, на што експертите посочуваа, а актуелната опозиција од петни жили се обидуваше да го дезавуира, па и исмее, имено дека медиумските кампањи, посебно онаа во странските медиуми „Инвестирајте во Македонија“, сигурно ќе имаат ефект на долг рок, почна да се остварува. Нараснатиот оптимизам е реален и секако поттикнувачки. 
Зошто веќе втор ден (одново) протестираат млекопроизводителите? Кој ги организира, кој со нив манипулира? Нема ли политичка заднина? Ќе се открие ли, ќе одговара ли некој?
Првото големо изненадување во веќе започнатата борба (или трка, сеедно) за нов претседател на Америка, што ќе рече дека сигурно ќе ги има уште, го приреди Републиканската партија. Не само поради тоа што за првпат во својата историја во претседателските избори настапува со жена кандидат за потпретседател, туку и поради „генерацискиот баланс“ што го воспостави на тој начин: демократите имаат 47- годишен претседателски, а републиканците 44-годишна потпретседателка.
Всушност, се „читаше“ уште на самиот старт од судирот Русија- Грузија, само што беа нејасни некои детали односно меѓуредови. Не беше познато дали ќе се повторат одамна проверените, спроведените во практика. Затоа што се работи за стандардно сценарио, досега многупати, во разни конфликти реализирано, особено во времето на Студената војна чие ново издание очигледно започна 
