Во последниве неколку години Јапонија го шокира светот со „популарноста“ на колективната смрт помеѓу младите. Познато е дека „земјата на изгрејсонцето“ е со најголема стапка на самоубиства на светот, а во основата на „леснотијата“ на самоубиството воопшто (харакири- самурајски самоубиства поради чест, камиказа, шинџу- заеднички самоубиства на вљубени парови, на возачи на подземна железница- си го одземаат животот само ако една секунда отстапат од возниот ред…) се смета дека е нехристијанската традиција, поточно на него не се гледа како на еден од најголемите гревови.

Загриженоста е особено присутна во технолошки развиениот свет, посебно „дигитализираниот“ односно „компјутеризираниот“, бидејќи се работи за самоубиства најмногу предизвикани или инспирирани сурфајќи на Интернет (некои ги нарекуваат Интернет самоубијци). (повеќе..)

Од поодамна е јасно дека со својата нуклеарна програма Иран е и допрва ќе биде „трн во окото“ на „развиениот“ Запад, а пред се на САД. Не неколку години наназад (на пример од почетокот на кризата во 2002- ра), туку децении- може да се рече од 1950- та кога разви нуклеарна технологија.

Исто така е јасно дека помина фазата на „топло- ладно“, па во наредниот период (месеци и години) може да се очекува породлабочување, па и „конкретизација“ (периодични дипломатско- воени „удари“ и „судири“) на, како што е веќе назначен Иран, „латентната најголема закана на мирот во светот“.

Најновиот неуспех на ОН- неисполнувањето на барањето на Обединетите нации до 31-ви август (денеска) да ги прекине нуклеарните активности е само потврда дека овој „фронт“ ќе биде уште долго „отворен“, напоредно со се поширокото прифаќање (помирување, рамнодушност) дека на мапата на светот се „нацрта“ уште една светска нуклеарна сила.

(повеќе..)

Веста е само потврда на најавите во последниве месеци и изминативе две- три години, всушност остварување на предвидувањата на странски воени експерти уште на почетокот на војната во Ирак. Со таа разлика што овојпат станува збор за сериозна најава од (нај)компетентен „извор“.

Имено, во денешниот извештај на Пентагон се потенцира дека во Ирак има услови кои би можеле да доведат до избувнување на граѓанска војна. Документот има 63 страници и во него се опфатени последните 3 месеци од случувата во земјата, односно текот на војната со која САД „извезуваат демократија“ во неа. За севкупната состојба оценката е мошне лоша, прогнозите за следните денови и недели мошне „црни“. (повеќе..)

Какви резултати даде досега и какви (ќе)  дава заедничката надворешна и безбедносна политика на ЕУ? Колку се остварени и континуирано се остваруваат нејзините цели дефинирани уште со договорот за ЕУ во 1993- та година? Да потсетам на петте главни: да се бранат заедничките вредности и темелните интереси на Унијата, да се зајакне безбедноста на ЕУ, да се зачува мирот и да зајакне меѓународната безбедност, да се поттикнува меѓународната соработка и да се развива демократијата и владеењето на правото, вклучувајќи ги човековите права.

Може да се очекува во наредниот период се повеќе и подетално да сe оценуваат и преиспитуваат конкретни потези и дејанија во  реализацијата на европската надворешна политика, а особено во однос на „зајакнувањето на својот идентитет на меѓународната сцена, посебно по пат на спроведување на заедничката надворешна и безбедносна политика, вклучувајќи го прогресивното создавање на заедничка одбранбена политика што би можело да води кон заедничка одбрана…“ (член 2 од заедничките одредби на Договорот за ЕУ).  (повеќе..)

Веста како молња проструи низ светот, иако не е неочекувана (во изминатите денови и недели се шпекулираше дека Кастро е „готов“): кубанскиот претседател вчера е опериран поради внатрешно крвавење, а овластувањата привремено му ги пренел на својот помлад брат Раул. Во соопштението, кое на државната телевизија го прочита неговиот соработник Карлос Валенсијага, се вели дека Фидел Кастро објаснил оти го исрцпел самитот на претседатели на земјите во Јужна Америка и минатонеделното одбележување на нападот на воениот гарнизон во 1953-та година, а што предизвикало „акутна внатрешна криза со непрестано крвавење“.

Кастро им се извинува на Кубанците оти им „нанел грижи“ и нагласува дека е важно “земјата да продолжи да функционира“.

(повеќе..)

Вечерва во Охрид беше изведена претставата на Театарот на Армијата од Бугарија „Трамвајот наречен желба“,. Станува збор за вистински сценски хит , еден од најдобрите и најгледаните во матичната земја.

Претставата ја режира Крикор Азарјан, сцената и костимите ги направи Невена Кавалџиева, а драматург е Венета Дојчева.

Улогите ги играа Бојка Велкова, Стефка Јанорова, Камен Донев, Георги Каркеланов, Александар Дојнов, Мимоза Базова, Васил Бинев, Тања Димитрова и Александар Димов.

(повеќе..)

Во Босна и Херцеговина постојат многу масовни гробници кои немо, но громно говорат за нечовечноста, злосторништвото, злоделата на актерите во крвавата граѓанска војна. Поради која многумина поттикнувачи и извршители останаа и ќе останат неказнети. Особено од оние кои ја поттикнаа и потоа не се ангажираа или не сакаа (сеедно), а можеа да ја запрат на самиот почеток. Се разбира, помеѓу нив не е мал бројот на оние од „меѓународниот фактор“, и тоа од „решавачките“.

(повеќе..)

Дали е сензација во тенискиот спорт поразот на Роже Федерер од еден тинејџер, и тоа по цели 14 месеци, 18 турнири и 55 последователни победи?

Британскиот тенисер Енди Мареј го совлада на мастерс турнирот во Синсинати, во рамките на второто коло. (повеќе..)

Лондонскиот весник „Фајненшл тајмс“ објави дека Албанија има мали шанси брзо да и се придружи на Македонија како земја кандидат за целосно интегрирање во Европската Унија. Најавеното отворање на силен фронт на борба против корупцијата, од страна на премиерот Сали Бериша, се поврзува со предупредувањето на ЕУ: доколку неговата Влада за кусо време не спроведе сериозни реформи и не се намали корупцијата, Албанија нема да добие  кандидатски статус во следните неколку години.

(повеќе..)

Доколку се докаже, реални се проценките дека митото ќе го чини израелскиот премиер многу повеќе од износот кој не е мал само за наши „услови“- можеби и губење на премиерската функција, односно срамно повлекување (судската пресуда се подразбира).

(повеќе..)

Штрајкот во „Ладна валалница“ ќе биде забележан во „современата борба“ на македонските работници за своите права (звучи „капиталистички“?; па да, тоа е тоа!) како прв поради лоши услови за работа. Дали и последен?

Судејќи според постојните стандарди во сите бизниси  (вклучително и „канцеларискиот“), зачестеноста допрва претстои.

(повеќе..)

Секојдневните вести и информации на медиумите за масовни убиства во „конфликти“ односно локални- локализирани војни, цивилни (невини) жртви во терористички напади, експлозии на подметнати бомби, на доброволни „живи бомби“. Секој ден индивидуално насилство и убиства врз невини.

Колку не вознемируваат, а колку сме рамнодушни- апатични, лично и колективно оневозможени како било да дејствуваме? Најважно е сето тоа да се случува таму „некаде далеку од нас“?

Се забележува и нешто што како состојба станува се позагрижувачко: се понемоќни, поограничени во дејствувањето се меѓународните хуманитарни организации, државите стануваат се „позатворени“ за конкретен ангажман.

Вистина, цинизам или: цената на животот од ден на ден е се пониска, а цената на смртта се повисока. (повеќе..)

Дали примирјето помеѓу Израел и Хезболах, кое стапи на сила изутринава, значи почеток на мир, па и каков- таков живот едни покрај други, кога заедничка живеачка, едни со други, не ќе е можна којзнае колку децении?

Ова е клучното прашање што го поставуваат не само народите на Израел и Палестина, на Блискиот исток воопшто, туку и оние кои се директно или индиректно вмешани и кои не само што го одржуваат, туку и го поттикнуваат ова латентно непријателство. На него е тешко сега кој било да даде одговор, а ќе биде уште потешко ако се има предвид натамошното остварување на геостратешкиот интерес на големите сили, пред се на САД. Преовладува песимизмот.

Веста за примирјето ја соопшти вчера Генералниот секретар на ОН Кофи Анан, а либанската и израелската влада и официјално ја прифатија Резолуцијата на Советот за безбедност 1701 која бара прекин на непријателствата.

(повеќе..)

Во Торонто се одржува 16- ти Меѓународен конгрес  за СИДА. Според бројот на учесниците тоа е досега најголем собир посветен на болеста. Повеќе од 24.000 научници, активисти, познати личности, ХИВ позитивни, хуманисти и новинари се собраа на 5- дневната конференција под слоганот „Да минеме на дело“. Таа е посветена на развојот на истражувањето на СИДА и достапноста на лечење.

Секој ден од ХИВ се заразуваат 11.000 луѓе, а умираат 8.000 главно во Африка, каде што живеат дури 64% од вркупниот број на инфицирани. (повеќе..)

Универзитетот „Св. Кирил и Методиј“ секоја година, во средината на август, организира мошне значајна манифестација која веќе има богата традиција и резултати достојни за почит: Меѓународен семинар за македонски јазик, литература и култура. Таа речиси четири децении извонредно придонесува во афирмацијата на нашата држава во светот, на македонските културни и уметнички вредности, на јазикот, литературата, на македонскиот идентитет. Веќе прерасна во реномиран светски славистички центар на кој досега учествувале над 3.000 учесници од 40- тина земји (македонисти и професори по македонски јазик и литература на странски универзитети, слависти, балканисти, преведувачи, научни работници и студенти што го изучуваат македонскиот јазик на лекторатите во светот). Сепак, нејзин најнепосреден придонес е изучувањето на македонскиот јазик во над 30 земји во светот. (повеќе..)