(13.03.2008.)
Оценката на некои новинари дека директорот на македонските електрани Влатко Чингоски отворил фронт со државната компанија МЕПСО и со Австријците од ЕВН може да се оцени како крајно дилетантска. Затоа што не станува збор за лоцирање на нечија одговорност, туку за фактичка состојба поради која имаме енергетска криза што допрва ќе му нанесува тешки „ниски удари“ на македонското стопанство, се разбира и на македонските граѓани.
(13.03.2008.)
.jpg "Мендух Тачи")
Лидерот на ДПА, Мендух Тачи, изјави дека нема отстапување од неговата решеност за напуштање на владината коалиција:
„Ако мене ме прашате, таа работа е веќе завршена. Јас вечерва ќе излезам со предлог пред партиското Претседателство. Уверен сум дека тој предлог ќе се прифати“.
(13.03.2008.)
Интересно и чудно: многу ретко се зборува, пишува, ниту сум слушнал, ниту прочитал подетална анализа за учеството на знаењето, стручноста (стручни, учени луѓе и експерти), на нивниот ангажман во сите области на нашето работење и дејствување, особено во политиката; наспроти импровизацијата, волунтаризмот, кои се „темелат“ на незнаење, неукост, па и елементарна неписменост. Белким нема некој што тврди дека таква споредбена анализа не ни е потребна и оти состојбите на тој план кај нас се мошне „благопријатни“, што ќе рече дека стручњаците, компетентните- експертите постојано, „стручно“ се консултираат, а импровизацијата, волунтаризмот се присутни во безначаен процент.
(11.03.2008.)
(Прилог на Љупчо Димитровски објавен во „Дневен е-Еснаф“, 14.07.2006)
Судејќи според мои ептен блиски извори до „врвовите“ на ВМРО-ДПМНЕ и оние со кои тие преговараат за состав на новата Влада, за вториот, третиот итн. „ешалон“, овие денови е најактуелен видокругот. Некои ме убедуваат дека е тоа сосема нормално, му дошла „сезоната“, ама јас се надевам дека и тој, како и се друго, не е исто „како лани“.
( 07.03.2008.)
(Прилог објавен во Дневен е-Еснаф на 19.11.2005, сега со незначителни измени)
Дали оваа тема поставува некаква дилема (или трилема, полилема…), предизвикува промислување, макар маргиналија?
Не како дилема, туку како „необврзно“ прашање: дали постоела, постои или може да постои „несериозна“ држава, за да можеме да зборуваме за „сериозна“ во споредбена смисла?
( 06.03.2008.)
Освен како болест (најмногу старечка склероза), краткото паметење е свесно или „самовлијание” (во рамките на самоконтролата) или резултат на акција- дејствие (моќ на влијание) во манипулативни цели. Тоа најдиректно и најбрзо го загрозува, поточно го уништува идентитетот, препознавањето во светот на различностите, траењето во времето и просторот. Поред се на колективен, но и на индивидуален план.
(06.03.2008.)
Токму тоа, не за да се „потсети“ на одамна осознаената и развивана- практицирана суштина на демократијата, туку како дециден став и порака треба државниот врв на Република Македонија да му го испрати на светот, пред се на Грција. Затоа што е очигледно дека свесно, намерно се заборава, се напушта- исклучува, не „соодветствува“ на денешната стварност.
(06.03.2008.)
Бугарија и дава целосна поддршка на Македонија на патот кон НАТО и ЕУ, му соопшти на претседателот Бранко Црвенковски неговиот колега Георги Прванов. Претседателите на Бугарија и Македонија ги поддржале билатералните односи и соработката помеѓу двете земји, но разговарале и за актуелните случувања во регионот.
(05.03.2008.)
На претседателските избори Медведев освои повеќе од 70% од гласовите.
Второпласиран е лидерот на комунистите Генадиј Зјуганов, со неполни 18%, а Владимир Жириновски освои помалку од 19%.
Освен што освои очекувано најмногу гласови, Медведев освои и милион ипол
гласови повеќе одошто на претходните избори освои Владимир Путин, неговиот
главен ментор.
(04.03.2008.)
Притисоците што се вршат врз Македонија од „сите“ страни (всушност од сојузниците и „симпатизерите“ на Грција; дали, на пример, сте слушнале- прочитале за такво нешто од страна на Русија?) да биде „конструктивна“ односно „флексибилна“, всушност „попустлива“, е буквално спасување на Грција во последен момент, за да не се удави во сопственото „мочуриште“ што го создаде, а во меѓувреме не успеа, не се ни потруди или не знае(ше) како да го „исуши“.
(04.03.2008.)
Откако станавме и се повеќе стануваме свесни за сериозната загроза на нашиот идентитет (конкретно, деновиве од страна на Грција, а во врска со „ултимативното скорешно решавање“ на нејзиниот проблем со нашето уставно име), некои актуелни и акутни прашања, непосредно поврзани со него, како сами да почнаа да се наметнуваат. Иако се такви од многу одамна, со децении наназад.
Едно од најакутните (за актуелноста не треба да се трошат зборови), ако не и најакутно, е секако одбраната на македонскиот јазик. Намерно не го употребив зборот од насловот на прилогов („заштита“), затоа што сметам дека сме се уште прилично „комотни“, „толерантни“ во однос на се она што му се прави, а уште повеќе сами му правиме на сопствениот, мајчиниот јазик. На пример, дали знаеме дека имаме Закон за заштита на јазикот и колку го применуваме, пред се во однос на санкционирањето (од страна на оние што се задолжени за неговата примена)?
(04.03.2008.)
Косовските политичари постојано тврдеа, а македонските прифаќаа (да потсетиме, почетокот е во времето на владеењето на СДСМ) дека демаркацијата на границата со Косово е „само техничко прашање“, чие решавање се „олесни“ со предлогот на Марти Ахтисари за „надгледувана независност“ на северниот сосед (во кој „техничкото прашање“, на наше „задоволство“ е ставено за решавање во утврден рок од 4 месеци по прогласување на независноста).
(03.03.2008.)
Владата на Република Македонија усвои измени на Законот за трговија, меѓу кои и забрана на продажба на алкохолни пијалаци од 19 часот навечер до 6 часот следниот ден. Алкохол нема да се продава во трафики, на бензински станици, на пазаришта.
Трговците ќе можат да продаваат со претходно добиена соодветна лиценца во Министерството за економија. Таа е со важност од 5 години, а за неа ќе се плаќа 5.000 денари.
(03.03.2008.)
Според најновите истражувања, бројот на болни од карцином годишно се зголемува за над 6.000, а особено загрижувачко е зголемувањето кај младите до 19 години- на 100.000 од 9,8 на 15!
Институтот за онкологија и радиотерапија минатата година регистрирал околу 700 новозаболени жени од рак на дојка, а малигните заболувања на грлото на матката се на второ место на зачестеност кај жените (1995-2005).
Македонската економија, како и светската, ја надмина кризата, без оглед дали и официјално ќе се прогласи тоа (излегување од рецесијата), а претстои долг период на опоравување од нејзините последици. Особено ако се има предвид дека се тие многу повеќе долгорочни, отколку среднорочни и краткорочни.
Затоа не се реални ниту песимистичките, ниту оптимистичките прогнози за економските движења годинава. Треба да им веруваме на оние „помеѓу“.
